Aisaia 32:15 - Nobonob Baibel

¹⁵ Wan amu nauha anam dayeb ukkeb, Yawe Nug nuhig Ouɗi hab attannu ig mekkeb batakku. Yawe Nug anam heeb, atu taɗak amu, wan amuam wan ittag ele bekku. Ao, Nug anam heeb, wan ittag ele, am ittag huanaknab ele daakku.

Aisaia 32:15 Referans Kwoze

Aisaia 29:17

Amu haen elab iitta Lebanon wanppa ad kuɗum daattebppa, aben amuppa wan eɗua, dadnu wan ittag ele dayebeb, appa ee enanag baaba, meu huanak okku.

Esekiel 39:29

Amu da baula dahilad danab ah ii dimadapa. Iitta. Da dahil Ouɗi ahilagppa daakkunu madappi, ahilagppa daakku.’ ” Naɗi Yawe Nug anam atte.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Aisaia 59:19

Nug ɠagattagnab, gu huanaknab neene, le ui eheɗ oowo, ulah huanak ele dim lamitta le duttuntte bia haaha, bu madakku. Anam amunu, danab ah ag aam nodeppa daatteb, ag Yawenu ebehilag oh bodoetta le mekku. Ao, aam bedeppanu danab ah ag Yawe, Nug binag amahlak oppiaawak ele, ag amu doon, nuhignu ebehilag oh bodoetta le mekku.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

2 Korint 3:8

Ɗonu binag amahlak oppiaawak ele am okkai, amge Kayak Nug danab ah nuhig Ouɗi madakkunu heum amu, nug tituana nai qakkak amuam tituanak alag eɗidtte; nuhig binag amahlak oppiaawak ele am tituanak alag binag amahlak oppiaawak ele eɗidtte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Sam 104:30

Amge haen na nahip ouɗi ag mattae, ag hik aon bau daanna, ag ahan oitteb; ib amuppa na hee, bauklel keeke ag wanppa bau daanna oitteb.

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Aisaia 45:8

Gu na, wan oh leppu medatte, amubia genab tutukku hak kobol hab attannu wan atu oh tonaɗ! Ao, gu lombigppanu na, wan oh leppu medatte, amubia genab tutukku hak kobol hab attannu na, wan atu ohppa dayaɗ! Wan nug gu awe, keeke bette, amubia ⌊genab tutukku hak kobol neeb,⌋ Padal ii maknu ehanittak kobol ba, okkai maɗ! Ao, wan gu awe, keeke bette, amubia ⌊genab tutukku hak kobol neeb,⌋ kobol amu, Padal ii maknu ehanittak kobol ele oh laippu okkai meiɗ! Da, da Yawe, da kobol amu hei beum.

Prowerb 1:23

Ag danab ah anam amu, ag da Doyak Dabmak Ena Ele, ag matu daug batak dahil imu dabmena dim lamidlob amu, da dahil doyak dabmak ena ele imu oh ag mattalom. Ao, da dahil dabmak appi, ag doolob.

Aisaia 35:7

Anam amunu, geha atu taɗakppa ihi huana gakkaɗtteppa ele, amuppa le ameg daakku. Ao, wan qaɗaiettaknabppa, le okkai qeppuɗia bekku. Amu aben qaɗaiettak, doɗ jakal ag daanna oippigppa amu, geha gikkiɗah, qao, papairus ele bekkulag.

Sam 107:35

⌊Amge Nug ele he,⌋ atu taɗak eɗue, appa le ameg kuɗum daappig. Nug he, wan qaɗaiettak eɗua, lenag kuɗum daan madmad goppig.

Sam 107:33

Danab ah aben laalappa daappig ag nau heppig amunu, Yawe Nug ahilag le okkai he, eɗun atu taɗak beppig. Anam amu, ahilkad lenag eɗun wan qaɗaiettak beppig. Ge, Nug he, ahilag wan ittag ele amu eɗua, yu ba, nauhakib dayom.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Esekiel 37:14

Da heppi, dahil Ouɗi Nug ahilagppa ukkeb, ag bau daaglag, amu da heppi, ag eɗun, ag wanelag diigppa gona daaglag. Da anam heppi, ag da Yawe, da amu hekkulnu ami doon, ag da aakku hemi ele aakku dooglag.’ ” Yawe Nug anam aum.