Aisaia 32:11 - Nobonob Baibel

^11-13 ⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 32:11 Referans Kwoze

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Hosea 2:3

Am nug nau hak amu ii uukku dayeb amu, da geha nug bu naunab medakkul. Da heppi, nug bam iitta daakku. Ao, da heppi, nug anig ooppanu bam iitta doum bia daakku. Da heppi, nug atu taɗak bia daakku. Ge, da heppi, nug atu, le iitta, qaɗaietta auta autanab aotte, nug amubia daakku. Da heppi, nug le baag eheɗ diieb mauhkku.

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 20:4

Aisaia heum, amubia geha Asiria dilag king nug ukka, Isip wanppa, Kus wanppa ele ban haaha ⌊eɗattowa⌋, geha nug danab nid bau, am danab kaino ele wan aɗit amuppan aɗalatteb, nug eppegppa daappeg, nug ag diia, wan laappa ukka maadkku. Haen nug diia appa ukkeb, geha ag qaɗelagppan lamen iitta, baelag gaɗa ele iitta, hamu oiglag. Asiria ag heppeg, danab ah kaino, nid bau oh ele ag anam oinna, ag bitolag ele miag dayebeb oiglag. Beɗulag miag ele anam oinna, geha ag uɗa nak nau dooglag.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Aisaia 2:21

Haen Yawe Nug ha, wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag buttuɗppa gona, amu waappa daaglag!

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Duteronomi 28:48

aakku Yawe Nug kekeɗ maatteb, ahilagppa uɗippeg, ag ahilag maɗi nid daan, uɗat naunab henan daaglag. Ag geha enug aqakku, le baalag diikku, bam iitta daaglag, keeke ohnu tutu mak daaglag. Kekeɗ ag eheɗ nau hadappeppeg ukkeb ukkeb, ag nauhna autnanab aoglag. Amu bekku diig am, ag oolag ena, gamag ahak ele Yawe waappa daanna nuhig maɗi nid ii daappig.

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Aisaia 47:8

Ag Babilon danab ah ag ah okkai laa bia daatteb. Ah amu nug keeke enaib aokkunu wagai ma hette. Nug uug laa nuhigppa bekkunu dab-ii-maama, nug nukka nuhignu, ‘Da dakka okkai daattem. Laa nug okkai da bia ii daatte. Laa nug danab dahil heeb nauhkkunu ib iitta. Laa nug nid naunau dahilad hatteb nauhkkulagnu, o diin gokkulagnu ele, elele iitta,’ atte. Ag Babilon ag anam daan dabmena, ag kobol eheɗ henana, dabmak eheɗ ele aotteb, amge ag gemu ag dahil nai imu doyeg!

Amos 4:12

Yawe Nug anam ana amu, Nug ele atte. “O Israel danab ah, ag anam aakku heegeg uɗie, gemu ele hetteb amunu, da bu okkai ag madakkul. Ge, da bu okkai madakkul amunu, O Israel danab ah, ag da, da ahilag Kayak, ag da uɗal tekkulagnu babaitteg!” awa atte.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Eksodas 33:4

Yawe Nug Moses amegppa anam a, ⌊dimppa⌋ Moses nug ⌊qaukoppanu noa dayaya, nug⌋ Yawenu nai ɠagattag amu danab ah matte, haen ag doon, oolag uug ele daye amu, ag bala ena golppa, o silwappa hak keeke, ag bala ii meppig.

Joel 1:8

Ag Juda danab ah ag am danab nug ah awa, gamu daakkunu dayaya, danab ah ele amu aa ewau matulak ii aopiɗ haenppa danab nug mauhe, ah bau amu nug lamen heɗiag ele takka, huan gaatte, amubia ag gayeg!