Aisaia 32:10 - Nobonob Baibel

¹⁰ Ag gemu ag uug laa ii dootteb, ag, “Ig eheɗ laa ii anidmata,” dabmena, anam dootteb, amge haen elab iitta, maɗ laippu maha nakoknab laa ele uueb amu, ag ottaikkulag. Aɗinu? Haen amuppa ag grep meu nakok laa iinab anidmana. Ao, ad oh meu ii omana.

Aisaia 32:10 Referans Kwoze

Jeremaia 8:13

Yawe Nug atte. “Da heppi, ahilag ee meu ii oma. Grep muɗippa meu laa ii daama. Ad fig uɗug bunaɗppeg, meu ii oma. Da aɗi keeke Juda danab ah mattami amu, da ag eppelagppanu eɗuen hiɗakkul.

Aisaia 7:23

Keeke laa bekku am geha, haen amuppa, ahilkad grep dad oh nauhkkulag. Muɗi grep dad ahilkad anen anenppa, ahilkad muɗi grep 1,000 ele, ahilag nob am 11.5 kilogram silwa elele, amge dad amu ohppa uud keeke qaun ele, keeke amu bena, dad ena amu oh teguadkkulag.

Sepanaia 1:13

Da heppi, kekeɗ ag uɗin, ban hena, danab ah amu dilag en aon gokkulag. Ao, kekeɗ ag uɗin, anam henana, ag danab ah amu laulkad loppaɗppeg nauhkkulag. Danab ah eheɗ anam hetteb amu, ag laulkad heppig, amge ag appa ii daamna. Ge, ag grep dad ebappig, amge ag grep dad amuppanu meu laa aon, wain laa hena, nakok laa ii lamana.” Yawe anam awa atte.

Habakuk 3:17

Uug naunab inam ana bekkutai. Ad fig nug haɗag iitai doma. Muɗi grep meu iitai okku. Olip ad amu, amuppa meu iitai daakku. Ee dattanu ele meu iitai oma. Sipsip laa aɗppa iitai daama, Makau ele aɗppa iitai daama.

Joel 1:12

Muɗi grep bunaɗppig. Ao, ad fig am mauɗna malappig. Ad pomigranet, ad pam, ad apel ele oh bunaɗppig. Ao, ad oh meu lanaknu daatteb amu, ag oh bunaɗppig. Keeke amu oh nauhna malappig amunu, uug amuppa danab dilag gamag ahak oh am iitta ma malom; ad digma bunaɗkkunu mauɗa malatte, amubia.

Joel 1:7

Amu tap-lokus ag heeg, muɗi grep ihinig oh nauhakib daaeg, ad fig ele bunaɗppig. Tap-lokus ag amu gaɗa tolaeg, iitta me, ag eppelkad oh hakkab daatteb.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Hosea 2:12

Nug laa ag nug ele niippig, ag nug nob mettanna, grep dad, ad fignu dad ele medappignu aum, amu diig amunu da geha nuhig grep dad, ad fignu dad ele heppi nauhkkulag. Ao, da geha heppi, muɗi qaun ele huananab teguadkkulag, doɗ dakkuɗ aakkuib ag meulkad lakkulag.

Aisaia 16:10

Dad ooppa am nakok gamag ahak laa ii daama. Grep dad ooppa danab o ah laa ahi ii ettama, o laa oo gamag ahak doyaya ii ema. Grep meu tappa leppu awaknu abenppa, appa laa uɗat ii hema. Gamag ahak laa oh iitta mekku; ii daama.

Joel 1:5

⌊Uug naunab amunu amu,⌋ ag danab, ag wain lanan, kaaka aqatte ele, ag gayeg! Ao, ag wain lanak danab, ag mahieg! Aɗinu? Tap-lokus ag uɗin, ag oɗelagppanu wain bau aɗadppig amunu, ag wain laa ii lamana.