Aisaia 30:7 - Nobonob Baibel

⁷ Ag Isip gotteb, amge Isip nug ag ehanadkkunu elele iittanab iitta. Isip nug anam daatte amunu, da Isipnu, “Nug am doɗ beɗu okkai okkai, amge gai-iitta daatte,” attem.

Aisaia 30:7 Referans Kwoze

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Hosea 5:13

Amu Israel danab ah ag ahilag oɗe anidna doon, ag Asiria dilag king ehanadkkunu dabmena oɗ medappig. Ge, Juda danab ah ag ag ihilkad anidna, ag Asiria dilag king okkai ehanadkkunu dabmena oɗ medappig. Ag anam heppig, amge Asiria dilag king nug heeb, ag ahilag oɗe iitta mekkunu elele iitta. Ao, Asiria dilag king nug heeb, ag ihilkad iitta mekkunu elele iitta.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Jeremaia 37:7

“Da, Yawe, da Israel dilag Kayak, da inam attem. Aa eɗuya goya, Juda dilag king, nug aa dahil nai aoya gopeɗ dookkunu maate uɗipiɗ amu, aa nug amegppa inam apeɗ doyaɗ! ‘Paro, nuhikkud daup ele, ag uɗin ehanidkkulagnu Isip wan uun uɗitteb amu, ag eɗun, ahilag wanppa Isip, appa gokkulag.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Aisaia 30:15

Aɗinu ⌊ag anam nauhkkulag⌋? Naɗi Yawe, Israel dilag Kayak Oppiaawak Ele, Nug amunu inam atte. “Da ag ehanadppi, padal ii memananu ib am, ag oolag eɗueb, ag hik ii aqebeb, ag dabmak ahilag ii dim lamidmana. Ao, ag ɠagattag daaglagnu ib am, ag heɗi ii aqebeb, ahilag dabmak ii dim lamidmana, ag dahilnuib oolagppa genab dooglag. Anam daatte, amge ag amu uun autna aoppig.

Aisaia 28:12

Kayak Nug matu wan imu ag mattowa, Nug ag amelagppa inam aum. “Imuam hik awa, oo maɗoɗ ele dayaknu aben laa. Danab ah ag uug dootteb ele, ag uɗin, ippa hik aweg! Imuam oo maɗoɗ ele dayaknu aben.” Nug anam aum, amge Israel danab ah ag nai amu doon dabmekkulagnu uuppig.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Sam 87:4

Yawe atte. ⌊“Israel danab ah ag da noolppa dup nona, da binal metteb amunu, da ag onilkad dahil bukppa yaami.⌋ Dimppa, Isip danab ah, Babilon danab ah ele, ⌊ag da noolppa dup nona binal mekkulag amunu,⌋ da ag onilkad, Israel onilkad dahil bukppa yaak daattebppa yaakkul. Yo, dimppa danab ah Pilistianu, Tairnu, amu Kus appanu ele, ⌊ag da noolppa dup nona binal mekkulag. Ag anam heppeg,⌋ da ahilagnu, ‘Imu ag Sion appa menuadppig!’ akkul.” Yawe Nug anam atte.

Sam 89:10

Naib yuppan doɗ naɗi eɗidna he nauhom. Ao, na nahip ɠagattagppa kekeɗ nahip eɗadna he, tamtam goppig.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Aisaia 20:6

Haen Asiria ag uɗin, Isip amu Kus ele aqappeg, danab yu ihippa daatteb ag geha haen amuppa akkulag. ‘Antteg! Wan amuppan danab, ag ig ehanigppeg, Asiria ii iqamna dabmemut ele amu, ag aakku iitta meppig. Ig Asiria dilag qep elab eɗidkkunignu ig ib laa iitta,’ aon akkulag.” Yawe Nug anam aum.

Aisaia 36:9

Ag am elele iitta. Ag Isip ag daup bannu karis attan daan ban hetteb, daup ag hos attan daan ban hetteb ele maadppeg uɗin, ehanittak mattaglagnu dabmetteb, amge amuppa ag ehanittak ii aomna amunu, ag Asiria dilag ban daup ikki laa, nug Asiria dilag ban daup ikki oolagppa nakok daatte amu, ag nug eɗidkkulagnu amu, ag attem hena eɗidkkulag? Iitta.

Prowerb 25:19

Uug haenppa, danab nug nuhig nai dim ii lamidtte, na nuhignu ehanittak aokkutnu dabmekkut dayeb amu, amuam meu ena iitta; amuam danab nug aeg oɗaɗittak dayeye, amuppa ee damqekkunu hette, o danab nug baeg nau autaut oitte ele, amuppa tappa gokkunu hette amu, na amubia daakkut.