Aisaia 30:6 - Nobonob Baibel

⁶ Nai meunab ele Negeb wanppan doɗ dilagnu, Yawe he, Aisaia doyom ele am iikku. Ag ⌊Juda dilag⌋ nai awa ukkak danab, ag en okkai ena ena donki attan mena gotteb. Ge! Ag am en amu kamel attan meeg, mawatteg gotteb. Ag amu henana, ag wan laa, wan amuam wan ɠagattag iitta, wan amuam ag ehanadkkulagnu elele iitta, ag wan amuppa gotteb. Ag appa gokkulagnu gonana, wan ena iittanab, wan danab uug madatte, wan amuppa laion ⌊dawai,⌋ laion anig, amu mat nau digdig ele daatteb amu, ag anam daaegeg ag gotteb.

Aisaia 30:6 Referans Kwoze

Duteronomi 8:15

Nug ag atu taɗak naɗi, danab antta baɗatte ele, Nug amuppa omalatte uɗippig, amu aib amelag atiom. Atu taɗak amuppa am mat nau, apiap ele, aam gakkaɗak huananab, le ele iitta, amge Nug menppan le he ne mattom.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

1 King 10:2

Kuin nug nuhikkud ehanittak danab aɗi ameg naɗi, kamel huanak, kuɗum ele, ag Jerusalem uɗippig. Kamel ag gol kuɗum, huanak, spais digdig, amu men daden nob okkainab ele, ag keeke amu mawadppig. Kuin nug uɗia, Solomon gumitta ba, amu nug keeke oh dabmeum, nug amunu Solomon oɗ mette, aa madipiɗ.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Matyu 12:42

Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Aisaia 57:9

Ag danab ah eheɗ hetteb ele, ag kayak hambuppuak onig Molek, ag nuhig neekkakppa ena daaglagnu ag olip goɗen gaɗalag laaidna, leppu muttuɗig enanag ele huanaknab laaidna, ag gona, nug noobppa dup nona binag metteb. Ag kayak hambuppuak laa ele anadna, noolagppa dup nona binalag mekkulagnu ag heeg, nai awa ukkak danab ahilkad ag umanab gona mattiadppig; ag mauhak abenppa batak amu hekkulagnu heppig.

Aisaia 19:4

Da geha heppi, Isip ag king nau laa, nug laa guittak mettaknu uug laa ii dootte, ag nug eppegppa gona, nug waappa daaglag. Ao, da geha heppi, king nau, nug danab ɠagattagnab, nug ag gumadkku.” Naɗi, Yawe Nukka Ɠagattag Oh Ele, Nug anam aakku atte.

Aisaia 15:7

⌊Uug eheɗ anam bekku⌋ amunu, Moap danab ah ag keeke ena ena aɗappig amu, ag amu qagmewona, ag gona, oolnu noak onig Popla, ag amu eɗidna gokkulag.

Aisaia 8:22

ag ele neegppeg, honap wanppa gokku, amge geha ag keeke ena laa ii anidmana. Iitta! Geha ag uug nau, uug amunu haen nau ele anidnana, amuib ag aben ohppa gatatu ele anidkkulag. Uug nau amuib aben oh gatatu ele tona dayebeb anidna, baɗaglag. Geha ag uug amu, haen nau amu ele uun, oolna laih gokkulagnu am, ahilagnu ib laa iitta; ⌊laa nug⌋ heeb, ag gatatu nauppaib wana daaglag.

2 Stori 16:2

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig.

2 Stori 9:1

Amu Seba wanppanu kuin nug Solomonnu, “Nug onig okkai ele,” nai amu nug doyom. Nug doyom amunu, kuin nug Solomon anidkkunu, nug oɗmak ɠagattag laala, Solomon nuhig doyak dabmak ena ele amunu ma anttak oɗ medakkunu Jerusalem appa uɗiom. Kuin nug nuhikkud ehanittak danab ameg naɗi, kamel huanak, kuɗum ele, ag Jerusalem uɗippig. Kamel ag gol kuɗum huanak, spais digdig, amu men daden nob okkainab ele, keeke amu mawadppig. Kuin nug uɗia Solomon gumitta ba, amu nug keeke oh dabmeum, nug amunu Solomon oɗ mette, aa madipiɗ.

Duteronomi 17:16

Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Genesis 12:9

Abram nug anam hewowa, nug Negeb gokkunu baula aha ukkom.

Namba 21:8

Moses nug Yawe unuqitte, Nug Moses amegppa aum. “Na mat nau dottog hena, biidod laa igippa mena, biidod amu galappe dayebeb, danab, o ah aun nug mat emaleb, nug neekka, mat dottog amu anidkku amu, nug ii mauhma,” awa aum.

Aisaia 5:30

Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.

Aisaia 14:29

“O ag Pilistia danab ah oh, king laa nug uug matte, ag uug maoppig amu, nug aakku iitta meum, amge diig amunu ag Pilistia ag amunu aib gamalag ahom. Aɗinu? King amu buɗub, nug mameg nau ahilagppa heum amu, buɗub amu nug nau hak amu eɗittak, naunab hadakku. King mauhom ele nug am mat nau, danab emaleb mauhkku, o iitta ehanittak awa, ii mauhma, bau daakku bia dayom, amge nug buɗub am mat nau, danab emaleb, laippun, pahanab mauhkku aakkuib, amubia daakku.

Aisaia 35:9

Doɗ laion ib amuppa ii daama, amu doɗ nau laala, danab qe mauhtte ele, doɗ amubia laa ib amuppa nakok iinab daamna. Doɗ anam ag ib amuppa ii daamna. Ib amuppa amu, danab ah Yawe Nug ag hipuninnu qagaiettakppanu eɗua uhuqak ha mattom ele, agib aguppa oiglag.

Esekiel 20:46

“Danab bekka, na aben yau uɗitteppanu neegna, atu ad kuɗum ele appa daatte amu, na ad amu danab ahtai daalob, na ad amu amelagppa uug naunab ahilagppa beeb anidkkulagnu propet nai a!

Maika 6:14

Ag ee lakkulag, amge ag oolag ii aɗama. Ao, ag ee lakkulag, amge ag oolag ii dittima. Ag ee keeke qagmekkulag, amge da keeke amu ahilkad kekeɗ madakkul amunu, ag keeke amu ma lakka appa ana mekkulag, amge ag appanu eɗun ii aon lamana. Iitta. Kekeɗ ag aoglag.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Job 39:11

Makau okkai ebehi ele dakkuɗ am ɠagattag okkainab ele amunu, na ɠagattag okkai amuppa nahip uɗat heppe, ha malakkunu dabmekkutte? Ge, na nug uɗia hekkunu, na nahip uɗat uug ele uukkutte?

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Sekaraia 6:6

Karis laa hos hinqak ele, karis amuam yawalti uɗitteppanu gotte. Karis laa hos hakkab ele, karis amuam qaban uɗitteppanu gotte. Karis laa hos ɠagattag, beɗulag otultul ele, karis amuam yau uɗitteppanu gotte,” awa aum.