Aisaia 30:3 - Nobonob Baibel

³ Ag Isip dabmedatteb, amge Paronu ehanittak am genab ii ehanadma. Iitta! Ao, ag ehanittak amu aoppeg heeb, ag uɗalag nekku. Ge ag Isipnu ehanittak aoppeg heeb, ag uɗa nak nau guittak ele dooglag.

Aisaia 30:3 Referans Kwoze

Aisaia 20:5

Anam beeb amu, danab ah laa ag Kus dilagnu oolagppa genab dooppig, ag Isip binalag meppig amu, ag geha keeke uug ele amu beeb anidna, ag geha baɗan, uɗalag nekku.

Rom 10:11

Kayak naippa, nai laa kobol amunu daatte am inam. “Danab aun nug nuhignu ooppa genab dookku amu, nug uɗa nak iinab aoma,” awa atte.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Aisaia 36:6

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat anambia daatte,” ’ ” awa aum.

2 King 18:21

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat amu, anambia daatte,” ’ ” awa aum.

Sam 108:12

Danab ah dilag ehanittak am meu iitta. Na ehanigppe, ig kekeɗ eɗadkkunignu oɗ medattem.

Aisaia 20:6

Haen Asiria ag uɗin, Isip amu Kus ele aqappeg, danab yu ihippa daatteb ag geha haen amuppa akkulag. ‘Antteg! Wan amuppan danab, ag ig ehanigppeg, Asiria ii iqamna dabmemut ele amu, ag aakku iitta meppig. Ig Asiria dilag qep elab eɗidkkunignu ig ib laa iitta,’ aon akkulag.” Yawe Nug anam aum.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 42:18

Aɗinu anam daakku? Am Yawe Nukka Ɠagattag Oh Ele, Israel dilag Kayak, Nug atte. ‘Da ool nauhe, oppoɗil beebe, Jerusalem danab ah bu eheɗ mattami, amubia ag laa, ag Isip gona daanna oiglag dayeb, da oppoɗil beeb, bu eheɗ ag madakkul. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag. Ag Isip gona daan oiglag, ag baula ahilag wan imu iinab anidmana.’ ” Yawe Nug anam awa atte.

Jeremaia 42:22

Anam amunu, ag gemu nai imu doon autna aon, dabmakppa aɗeg! Ag Isip gona daan oinna, appa ag qep elabppa, enugppa, oɗe nau danab kuɗum aqe mauhtteb eleppa ele mauhkkulag.” Jeremaia nug Juda danab ah amu amelagppa anam aum.

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Prowerb 25:19

Uug haenppa, danab nug nuhig nai dim ii lamidtte, na nuhignu ehanittak aokkutnu dabmekkut dayeb amu, amuam meu ena iitta; amuam danab nug aeg oɗaɗittak dayeye, amuppa ee damqekkunu hette, o danab nug baeg nau autaut oitte ele, amuppa tappa gokkunu hette amu, na amubia daakkut.

Jeremaia 46:25

Amu Yawe Nukka Ɠagattag Oh Ele, Israel dilag Kayak, Nug atte. “Isip dilag kayak hambuppuak laa onig Amon, aben nuhig am Tebes amu, da nug, Isip dilag kayak hambuppuak laa, aria Paro, Isip danab okkai, Isip danab ah, amu laa Paronu ehanittak aoglagnu dabmetteb ele amu, da haen elab iitta, da amu oh bu madakkul.

Esekiel 29:7

Ag Isip ag Israel ehanadkkulagnu appig, amge iitta. Ag Isip ag am danab nug dudqak hokkat danab oikkunu aha aɗe, hokkat qiia, noob laih ukka, gukka yom bia, ag hokkat amu heum bia heppig. Ao, ag Isip ag am dudqak hokkat danab nug aɗa oikkunu dabmaama aɗa, ehanidkkunu uɗat mette, hokkat qiie, danab gome hiɗe, guittak okkai awom bia, ag Isip ag hokkat amu heum bia heppig.