Aisaia 30:13 - Nobonob Baibel

¹³ ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Aisaia 30:13 Referans Kwoze

Aisaia 29:5

⌊Ahilagppa anam bekku,⌋ amge Yawe Nug heeb, kekeɗ ahilkad ameg naɗi amu, ag am gappudnu kalukal bia daaglag. Ao, kekeɗ ameg naɗi amu, ag oo doyak ii doon nau hetteb ele, Nug heeb, ag ee aeg dappunkkeg, ulah iwale gotte bia daaglag. Yawe Nukka Ɠagattag Oh Ele, Nug pahanab ha,

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Sam 62:3

Ag dahilad kekeɗ, ag da banel uɗitteb; amu haen gane laa ele ukkeb, ag amu uuglag? Da am danab dakka laippuib, amge ag kekeɗ dahilad ag am kuɗum, ag ohnab ag da iuglagnu hetteb. Da am gilil beɗak bia, o da aɗ oɗaɗittak daatte bia daattem, aakkuib.

1 King 20:30

Ag aqaeg, Aram ban danab laala ag oolna gona, aab okkai Apek ooppa noeg, aabnu aɗ amu pana ukka, 27,000 laa aqe mauhppig. King Benhadat nug ele oola, aab amuppa ukkom, amge nug lag laa ooppa noa, oo ooppanab ukka, appa lokkuma dayom.

Luk 6:49

Amge danab nug nai dahil doya ii dim lamidtte ele, nug am danab laa lag hamu wanppaib he dayom bia. Nug wan ooppa men qaɗeppa lag ukku ii aɗom amunu, dimppa le ui na, lag amu duttune, pahanab na qa, loppaɗa iitta meum,” awa aum.

Matyu 7:27

Lag he, gu ne, ui o, ulah ɠagattagnab ele heehe, lag amu na qeum. Amu genab nug na qa nauha auta awom,” awa aum.

Job 36:18

Am laa nug na nuhig dabmak dim lamidkkutnu en okkainab medakkunu ab, diig amunu na amu aib dabmeme. Ge, laa nug na Kayak dimedappe, nug na lokkumakppa eheɗ haknu ehanittak okkainab medakkunu ab, diig amunu na dabmak amu aib dim lamidme.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Prowerb 6:15

Diig amunu uug naunab nuhigppa pahanab bekku. Ao, nug nauhak pahanab antta, padal meeb, babaittaknu ib laa ii daama.

Aisaia 22:14

Yawe Nukka Ɠagattag Oh Ele, Nug nukka da gumiɗa na, Nug nai imu da daulppa aum. “Danab amu, ahilag hipuninnu amu, laa nug eheɗ hak amunu noob aɗi uɗat naɗippa heeb, am iitta ii mema; ukkeb, ukkeb, haen ag mauhkkulag batak.” Nai amuam Naɗi, Nug Yawe Nukka Ɠagattag Oh Ele, am nuhig nai aakku.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Aisaia 48:3

⌊Yawe Nug atte.⌋ “Anukkanab da keeke bekkunu dayom ai dooppig. Ao, tatamnab aɗi keeke bekku amu, da ii beum haenppa ai dooppig. Ge, da ai doyeg, haen do, da laippun hei, aakku beppig.

Aisaia 58:12

Ag tutukku anam oiglag dayeb amu, Yawe Nug heeb, ag buɗulkad ag aab, lag keeke, laa ag anukkanab heeg nauhom, ag amu eɗun bappaidkkulag. Ao, aab, lag keeke, ag men ukku heeg nauhom amu, ag eɗun bappaidkkulag. Ag amu hebeppeg, laa ag ahilagnu, “Danab amu ag gilil he nauhak daatteb babaittak danab,” akkulag. Ao, ag amu hebeppeg, laa ag ahilagnu, “Danab amu ag ib, lag ele babaittak danab,” aon akkulag.

Aisaia 65:7

Da ahilag hipunin, ag mamelkad aɗi ag hipunin amu heegeg, ag tuɗidna heegeg uɗie, gemu ele hetteb amu, da amu ohnu nob nau elele ag madakkul. Da ag doɗ main, kayak hambuppuak qaukoppa mattanna, ag qauko nakokppa dahil nai tappaeg neene, ⌊appa ele ag doɗ main, kayak hambuppuak madappig⌋ amunu, da bu eheɗ ahilag hak eleleppa ag madakkul.” Yawe Nug anam atte.