Aisaia 3:19 - Nobonob Baibel

¹⁹ daulagppanu bala, eppelag baagppanu eɗi, am iɗulag hautaknu lamen geɗaɗa ele,

Aisaia 3:19 Referans Kwoze

Esekiel 16:11

Da na beɗunnu bala enanag mettami. Amuam da eɗi eppenppa mein, da kalele ele baatppa memi.

Namba 31:50

Amunu ig anen anen golnu keeke Midian dilagppan aomut ele amu, ig Yawe mettagnignu akkat uɗimut. Keeke amuam nuhignu mana mettak bia aakku. Keeke ig Midian dilagppan aomut ele amu inam; eɗi, eppelag baagppan eɗi, ahilkad doyaknu at ringppa daatteb, daulagppan bala, am kalele ele. Ig keeke amu ihinig eheɗ haknu nob nau amuppa iitta mekkunu hepput, elele medakkunu aakku Yawe noobppa hettem,” aon appig.

Eksodas 35:22

Am danab ah ele oh, ag oolag heum ele amu, ag bala digdig iɗu iɗu ele akkan, aon uɗippig. Amuam pin momoppa maknu, eppelagppanu ring, ring daulagppanu, kalele baalagppanu, amu gol bala digdig laa ele. Am danab ah ag keeke amu aon uɗin, amuppa ag huma epponitta mettaknu ofa hena, Yawe medappig.

Genesis 38:18

Nug anam oɗ mette amu, Juda nug, nug oɗ mettom. “Da na aɗi keeke at daakkunu medakkul?” awa oɗ mettom. Oɗ mette amu, ah nug aum. “Nahip doyaknu at stemp-ppa daatte, nuhig muɗi ele, amu dudqak hokkat nahip ele meɗe,” awa aum. Anam a amu, Juda awa mette, nug ele niipiɗ. Aa anam niioya, Tamar nug aakku oo ele dayom.

Genesis 24:53

Nug anam ha, nug gol, silwa, amu lamen ele awa, Rebeka mettom. Mettowa, nug keeke laala ahilag nob okkai ele amu awa, Rebeka anig, awag ele matom.

Genesis 24:22

Kamel ag le lana malaeg, danab nug gagah laippu, amu enag eppelag baagppanu aɗit ele, keeke amu oh amu golppa hak, amu uug ahilag am 115 gram, nug amu awa, Rebeka mettom.

Genesis 38:25

Nug anam a amu, ag ah amu omalna, dimittim ukkaegeg, nug ahipanu nai imu me ukkom. “Da keeke imu aɗami ele amu, na antte! Laanu doyaknu at stemp-ppa daatte, nuhig muɗi ele, amu dudqak hokkat imu ele na anidna doottemte? Keeke amu mameg amu, nug da nid meɗom,” awa aum.

Genesis 35:4

Jakop anam a amu, ag laa dilag kayak hambuppuak ahilag, am daulagppanu bid ⌊ahilag ehanittak hambuppuak laa aakku⌋, ag amu ele oh Jakop mettaeg, nug keeke amu oh awa, ad ok, Sekem dayom, nug amu diigppa boumom.

Aisaia 3:18

Haen amuppa Naɗi Nug geha Jerusalem ah dilag bala ena ena amu oh heeb, iitta mekkulag. Bala amuam baelag baagppanu bala, ikkilag ita talilittaknu lamen, baalagppanu bala onig kuambi,

Aisaia 3:20

ikkilagppanu eɗi, bala sen bia baelag baagppa maknu, lamen ena ena imualag itatteb ele, aria hogot nakok, amuppa goɗen muttuɗig ena ele laala inan baalagppa qakkaeg na daatte ele, amu ehanittaknu baɗ, ag beɗulagppa aihatteg daatte,

Eksodas 32:2

Ag anam aeg, aria Aron nug ag amelagppa aum. “Ag ahilkad ah, ag bekkalkad, aɗelkad ele dilag bala gol daulkadppa meppig daatteb amu, ag amu uhuqadna akkan, da gumiɗna uɗieg!” awa aum.

Eksodas 32:3

Aron nug anam awa a amu, aria danab ah ag gol bala daulkadppanu uhuqadna akkan, Aron gumidna uɗippig.

Esekiel 16:12

Da amu heine, da gagah na noomppa mein, bid na dautppa ele mein, haɗ neekkak enanag ele na ikkinppa memi.