Biblia Todo Logo
Bib sou entènèt

- Piblisite -




Aisaia 29:1 - Nobonob Baibel

1 ⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Gade chapit la Kopi




Aisaia 29:1
17 Referans Kwoze  

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayaya, nug aab amu onig, “Dawitnu Aab,” ataɗom. Nug appa dayaya, nug aab amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukke, Dawitnu Aabppa ukkom.


Wan amuppa ag wain gokkaɗaknu ofa ii hemana. Am ahilag aab aɗuppan mana mettaknu amu, Kayak Nug ena ii dooma. Mana mettak amu, ag hekkulag dayeb amu, ag am laa mauhe, laa nug mauhom gaɗa aɗa, maɗappa dayaya, ee awa, huppu nakok la, ee ii laum daatte am laa dilagnu ee ii lanaknu epeɗiak aakku daatte, laa aib laum. Laa aib laum, amge laa lakku dayeb, nug Kayak ele ouqa dayaknu elele iitta daakku amu, mana mettak amu ag am danab amubia daaglag. Aun aɗi ag mana mettak amu hewona, mana mettak amuppanu ee lakkulag amu, ag Kayak ele ouqa dayaknu elele iitta. Aɗinu? Ee ahilag am ag beɗulag ehanittaknu ee aakkuib daakku. Ag aon gona, Yawenu mettid lakka appa manan, Nug mettaglagnu iinab daama.


Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.


Ag geha Yawe anidna, Nug dim lamittaknu Nug mattinna, ag ahilkad sipsip, meeme, amu makau main, Nug mettaglagnu akkan uɗiglag, amge ag Nug ii anidmana; Nug nukka awaitta, piɗe ukkom daatte.


Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.


Aria, Mosesnu ɗo am Israel danab ah ag attem attem hekkulagnu ippunattom, amge hak amu oh am keeke ena butti aɗi genab bekkulag dottogib aakku dayeye anidttem. Hak amu oh am ɗo diigppanab aɗi daatte dottogib daatte; am keeke amunab iitta. Diig amunu amu, ɗo nug mana mettak iɗu iɗu anamib maɗ ohppa haknu atte, amge ɗo nug danab ag gunnab abenppa nokkulagnu elele daaglagnu bappaladkkunu elele iitta. Ɗo nug heeb, ag elelenab ii bemana.


Asiria ag eheɗ nau baɗaglag amunu, ahilag ɠagattag oh iitta mekku. Ao, ag da Yawe, da ag eheɗ hadakkulnu at anidna, ahilag daup dilag okkai ag eheɗ baɗan abenlagppa daan, ban iinab hemana.” Yawe Nug anam atte. ⌊Yawe, Nug amu atte ele amu, Nug oppiaawak, ɠagattag ele daatte, amu ɠagattag, oppiaawak amu ele aa aab ewak bia daattep.⌋ Amu aab amu Sion appa daatte. Ge! Aab amunu qaɗab am Jerusalem appa ana daatte.


Amu Yawe Nukka Ɠagattag Oh Ele, Israel dilag Kayak, Nug da nai imu Juda danab ah amelagppa akkulnu da amelppa aum. “Ag Juda, ag doɗ digdig main meɗatteb amu, ag amu tuɗidna henana, ag manaknu ofa ele da meɗaglagnu bappaidtteb, amge ag teppu amu aon, ag akka ag aakkud laig! Da aib meɗappig.


Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.


Ag ⌊Juda, ag⌋ dabmak iitta ele oinna, ag dabmak kuɗumnab aotteb! Ag heeg, amelag gaɗue oitteb! Ag kaaka aqe oitteb, amge ag le ɠagattag lappig amunu, ag anam ii hetteb! Ag oinna, nena qena, ahan eɗun nena qetteb, amge ag le ɠagattag lappig amunu, ag anam ii hetteb!


Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.


Yawenu sabat am anam daatte. Aria, amu ele tuɗittak am hobul dayaknu haen epeɗiak daatteb. Haen amuam ele ag Yawe noobppa qagmena, dup nona, Nug binag mekkulagnu haen. Anam ha dayaknu amu, ag maɗ anen anen ohppa haen epeɗiak eleleppa, ⌊mana mettak danab ag appeg, ag⌋ hekkulag.


Swiv nou:

Piblisite


Piblisite