Biblia Todo Logo
Bib sou entènèt

- Piblisite -




Aisaia 28:7 - Nobonob Baibel

7 ⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Gade chapit la Kopi




Aisaia 28:7
33 Referans Kwoze  

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.


Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.


Yawe he, Isip dilag danab okkai, ulum mettak danab aɗi, ag ahilkad dabmak kaboliak daatte amunu, ag heeg, Isip danab ah ag oiyak ahilag am ukka nauha auta awe, ag keeke tutukku laa ii hetteb. Ag am danab le ɠagattag huan la, kaaka qe bahowa, gokkunu haaha, eheɗ oiyaya, bahomppa tappa, na qekkunu haaha oitte, Isip ag anam hetteb.


Wan laappan king nug danab kalu mettak, nug danabnab daatte dayeb; nuhikkud ehanittak, ag anuqak danab amu, ag haenppa ɠagattag aoglagnu ee, le ele latteb, ag kaaka aqaknu le ii latteb dayeb amu, wan amuam itittak ena awom daatte.


Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.


Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.


Amu Yawe Nukka Ɠagattag Oh Ele, Nug imu Juda danab ah dilagnu atte. “Ag propet ⌊hambuppuak⌋ dilag nai, propet ag nai amu maditteb amu, ag nai amu aib dooppig; aib dabmeppig. Propet amu ag heegeg, ag Juda danab ah ag, ‘Ig aakku ena daagnig,’ anan oitteb, amge iitta. Ag ena ii daamna,” awa atte. Propet amu ag akka ag dabmak ahilagppa keeke henan anidtteb, ag Yawe oɗeppanu nai laa aon, nai amu ii maditteb.


Da ai, Yawe Nug nob ma, da amelppa aum. “Propet amu da onil diin, ag dimppa aɗi bekkunu nai hambuppuak maditteb. Da ii maatti uɗippig. Da ag amelagppa nai laa ii mattimi. Da danab amu propet daaglagnu ii tituanadmi. Propet amu ag tuleglegppa keeke anidna, aeg dootteb, amge keeke ag tuleglegppa anidtteb ele am genab iitta. Ag eman kobol meu iittappa keeke doon, aeg dootteb, amge ag aɗi keeke ib amuppa dootteb am keeke genab iitta. Ag akka, ahilag dabmakppa keeke hambuppuak dabmetteb, amge keeke ag dabmetteb ele am genab iitta,” awa aum.


Juda danab ah, ag am dahilad danab ah, ⌊amu ahilagnu gadonnab⌋. Nid bau ag ahilag okkai danab daan, eheɗ hadatteb. Ah ele ahan, ag gumadnana daatteb. O Juda danab ah, ag am dahilad danab ah ele, ahilag okkai ag ib eheɗppa omaladna gotteb. Ag ib nau kuɗumppa ag kaboliadtteb.


Ahilag uub am ta nak huananab he, uubnu uɗat nid ag tutukku ii oippig. Ag danab ag le nau lawona, qiia ona, qiia doak tappan oitteb bia oippig. Ag ahilag dabmak eɗatte, ag aɗi hekkulagnu oolag ii maittom.


Amubiaib danab ag akka beɗulagnu oolag mauhtte, amubia ag waalkad dilagnu oolag mauhaɗ! Danab nug waunu oo mauhtte amu nug nukka nuhignu oo mauhtte.


Mana mettak danab laa nug mana mettak danab dilag haɗap-ppa gokkunu dayaya, nug wain aib laum.


Da Yawe, da ag propet hambuppuak, da ag amelagppa aɗitai laa ii ami, amge ag, “Yawe Nug atte,” atteb amu, amuam tulegleg hambuppuak iittate? Am emannu hambuppuak nai iittate?’ ” awa atte.


Yawe Nug kekeɗ lat omana daatte bia daye; Nug eppeg naɗiap lat doɗo ekkunu babaittak dayom. Kekeɗ ag danab aqaeg mauhtteb; amubia Nug laa, ag lailkad dilag neekkakppa enanag daappig amu, Nug aqe mauhppig. Nug Juda danab ah, Nug ahilag eheɗ haknu oppoɗi be; Nug bu eheɗ ag mattom.


Am Yawe Nug atte. “Anukka, propet Samaria daappig amu, da ahilag hak laa antten, da oolppa uuaknab doomi. Hak ag heppig amu, ag kayak hambuppuak Bal onigppa propet nai mattinna, amuppa ag heeg, Israel danab ag ah ag ib tutukku apiɗidnana, eheɗppa goppig.


Ag propet danab ag Yawenu nai, Nug tuleglegppa ippunittom amu, nai amunu ag nai laa buk itoɗiakppa daatte, amge laa nug danab buk itoɗiak amu matulmanu hag meum; propet danab ag Yawenu nai daulagppa dootteb, amge nai buk itoɗiak amuppa daatte bia, ag nai amu diig ii dootteb. Laa ag buk itoɗiak amu aon, laa ebqak dootte ele mettan, “Ebqebeppe doognig,” appeg, Nug, “Iitta. Laa buk itoɗiak amu matulpanu hag meum amunu, da ebqekkulnu elele iitta,” akku, am amubia propet ag tuleglegppa keeke anidtteb ele mehuqkkulagnu elele iitta. O ag buk itoɗiak amu aon, laa buk itoɗiak ebqak ii dootte ele metta, “Ebqebeppe doognig,” appeg, nug, “Iitta! Da ebqak kobol ii doottem,” akku, am amubia propet ag tuleglegppa keeke anidtteb ele mehuqkkulagnu elele iitta.


Danab ah oh uug amu anidkkulag; laippu laa ii eɗidma. Iitta! Oh ag geha uug amu aoglag. Mana mettak danab, am danab ah hamu, ag oh, uɗat gumak danab, am maɗi nid, ag oh, uɗat gumak ah, am uɗat hak ah hamu, ag oh, keeke aon meeg, laa daden metteb danab, am danab uɗin, keeke ahilagppa daden metteb ele, ag oh, danab men doɗo lon laa eppegppanu aotteb, am danab, laa ag nug eppegppa lon aotteb, ag oh, danab amu oh ag geha haen nau amu anidkkulag. Laippu laa haen amu ii eɗidma. Iitta.


Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.


Danab ah aun aɗi, ag danab wain lanaknu onilag ele, ahilagnu gadonnab gadon! Ao, danab ah aun aɗi ag le ɠagattag digdig kabolina, huana latteb ele amu, ahilagnu gadonnab gadon! ⌊Ag padal mekkulag.⌋


Amu danab ag le ɠagattag digdig lakkulagnu guittak doon, lakkulagnu buttuanab ahatteb amu, ahilagnu gadonnab gadon. Ge, laa ag tueb ukke tugmag mette ele, ag wain lanan, kaaka eheɗ aqadtte amu, ahilagnu gadonnab gadon.


Danab ag amu ele, amuam danab ag wain huana laeg kaaka aqatte ele, ag aakku. Ao, laa ag wain digdig kaboliak ele lanana dootteb ele, ag anam dootteb.


Wan nug geha ukka uɗikku, danab nug le ɠagattag lana, spak ma oitte, amubia uɗalkku. O ulah huan he, lag uɗaltte, wan amubia uɗalkku. Hak nau, amuam danab ah dilag hipunin amu, eheɗ hak amunu uug am naunab, wan nug geha maokkunu elele iitta amunu, wan nug geha na qewowa, eɗua ahakkun elele iitta.


Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.


Ag mamelag tatamnu amu, nug hipunin heum. Ahilag ikki danab ag da oɗel tappaeg neum.


King binag maknu qagmak gamag ahak elenu deɗppa, king bekkod ag wain laegeg, kaaka aqatte, king nug awa awa qettak danab ele oitteb.


Danab nug nuhikkud mudippan laippu ag beɗulag miag daappeg anidkkunu le ɠagattag huan gokkaɗe no, matte laegeg, kaaka aqe, lamen uɗatteb amu, nuhignu gadonnab gadon.


Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.


Amu hettoɗiak dilag okkai danab ag danab eheɗ heppig ele eppelagppanu lokkumakppa eheɗ haknu ehanittak laa ag aon heeg, laa eheɗ heppig ag hamu gotteb ele, ahilagnu am gadonnab gadon. Ao, hettoɗiak dilag okkai danab ag laa eheɗ heppig amu, ag ii epeɗina heeg, hamu gotteb, amge danab ag eheɗ ii heppig ele, ag nob madatteb, hettoɗiak dilag okkai amu, ahilagnu gadonnab! ⌊Ag padal mekkulag.⌋


Swiv nou:

Piblisite


Piblisite