Aisaia 28:11 - Nobonob Baibel

¹¹ Anam amunu, ag da oɗel dab-ii-mekkulag dayeb, aria, Kayak nug laihnu danab, ag nailag laa, Israel ag ii dootteb ele amu, Nug danab amu maatteb, ag Israel gumadna uɗina, ag ag oɗelagppa nai madappeg dooglag.

Aisaia 28:11 Referans Kwoze

1 Korint 14:21

Kayaknu ɗo naippa nai imu daatte. “Da wan laihnu danab, ag nailag laa, Israel ag ii dootteb ele amu, da danab amu maadppi, ag Israel gumadna uɗina, ag ag oɗelagppa nai madakkul, amge amuppa ele Israel ag dahil nai ii doomna.” Naɗi Nug anam awa aum.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Aisaia 33:19

Laihnu danab amu, ag am beɗuppa tak danab, ahilag nai am laa, ag Juda ag ahilag nai ii dootteb. Ao, ag ahilag naippa nai maditteb, amge ag Juda, ag daulagppa ele ii dootteb. Anam amge, Yawe Nug heeb, ag Juda ag danab laihnu amu, ag ag baula ii anadmana. Iitta!

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Esekiel 3:5

Amu da danab ah na ahilag nai ii doottem, na ahilag nai dookkutnu am uug ele, da na amu dilagppa meitti ii gottem. Iitta. Da na laipad dilagppa, Israel danab ah, da na dahil nai ag madakkutnu meitti gottem.