Aisaia 27:12 - Nobonob Baibel

¹² Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Aisaia 27:12 Referans Kwoze

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Aisaia 56:8

Amu Naɗi Yawe Nug nuhikkud danab ah Israelnu wan laalappan qagmatta, omalatteb, ahilag wanppa uɗiglag ele amu, Nug geha danab ah huu laalappanu ele diia uɗieb, ag laa daaglag, ag amu ele oh daaglag.

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Luk 15:4

“Ag oolagppanu danab laa nug sipsip 100 ele dayeb, amge nug nuhig sipsip laippu nug qettoɗeb, aria geha sipsip mameg nug 99 laa amu uuatteb, ag aben laappa daabppeg, nug ukka sipsip laippu amu iite mattia mattia anidkku?

Amos 9:9

Yawe Nug inam ele atte. “⌊Amuam genab bekku.⌋ Aɗinu? Antte! Da haknunab nai ain heppi, ag Israel buɗub ag epeɗiak uug ele wanppan wan laa oh ele laippu aon daaglag. Epeɗiak amuam danab nug ee aeg, menetit ele qagmak laippu daamanu uɗalakppa heehe, men laippunab laa ee aeg daakku abenppa iinab daatte, amubia ag daaglag.

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Aisaia 17:6

Kobol bekku am danab ag ee aeg aotteb, amge ag ii doonna, ee aeg ikki laippu laippu tippalna, ii aotteb; laib laib uueg daatteb, am amubia ⌊Israel huu ag geha ebqak laib laib daaglag⌋. Ele amu, amuam danab ag ad olip uɗaleg, meu neeg, olip meu laib laib ewam, aɗit keeke attan daatteb, amubia ⌊Israel anam laib laib daaglag⌋. O iitta, ad olip eppeg laippu meu huan niieye, danab nug olip eppeg amu uɗale nena qeegeg, olip meu waɗele, tanig ele keeke, olip eppeg amuppa daatteb bia, ⌊Israel huu ag anam laib laib daaglag⌋.” Yawe, Nug Israel dilag Kayak, Nug anam atte.

Sam 72:8

Nug danab ah oh, wan yu laih laih gamagppa daatteb amu, nug ag oh, ahilag king daakku. Ao, nug Yupretis leppan digma ukka, wan batakppan ele, nug amu dilag king daakku.

Sam 68:22

Naɗi Nug inam atte, “⌊Da ag Israel danab ah, da ag ehanadkkul.⌋ Amu dahilad kekeɗ ag oolna, Basan gokkulag dayeb, ag dahilad danab ah ag hadappeg, padal mena autna aoglagnu da appanu diiadppi uɗiglag. Genab, dahilad kekeɗ ag ib imuag elab attem gokkulag amu, ag dahilad danab ah ag hadappeg, padal meppeg, qai ag beɗulag laadkkulagnu da diiadppi, ag appanu eɗun uɗiglag.”

Aisaia 49:5

Yawe Nug da anil ooppa, Nug da nuhig maɗi nid meiɗa, Nug da Jakop buɗub, ag nuhigppa eɗue diie uɗikkulnu heiɗom. Yo, Nug da Israel danab ah ehanadppi, ag eɗun, nuhigppa uɗiglagnu heiɗom. Yawe Nug da binag okkai meɗatte. Ao, dahil Kayak Nug ɠagattag meɗatte.

Jeremaia 44:28

Laib laibib ag qep elabppa ii mauhna, eɗun Juda wanppa gokkulag. Anam beeb, Juda danab ah oɗo yaak daan, uɗin Isip wanppa oitteb ele, ag ahilag nai am ɠagattag daakku, o dahil nai am ɠagattag daakku, ag amu dooglag,” awa atte.

Esekiel 20:34

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Anam, amge da dahil ɠagattag, da ebehil, dahil oppoɗi bak okkai ele, da amuppa omaladppi, ag wan atu digdig amu uuadna, ag appa ii daamna.

Esekiel 20:41

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Amu da ag wan atu amuppanu qagmatten omaladppi, ag uɗin, ahilag wanppa daanna, da danab nug kalu danab ile muttuɗig enanag bette mana, muttuɗig enanag dootte, da ahilagnu muttuɗig ena, amubia doyen, da ag dahiladnab daaglagnu diiadkkul. Da ag diien heppi, danab ah wan atu ohppanu ag da ag Israel oolagppa oppiaawak daattem dooglag.

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Esekiel 47:19

Amu Israelnu yau uɗitteppanu tom am Tamar appa digmekku. Appa digma ugakka, le laa onig Kades Meriba, appa ukka, digma oolnu noak onig Isip dim lamitta ugakka, Mediterenia yuppa batakku. Amuam Israel dilag tom, yau uɗitteppanu aakku.

Sekaraia 8:7

Am Yawe Nukka Ɠagattag Oh Ele Nug inam atte. “Genabnab da dahilad danab ah ehanadppi, ag kaɗag uɗitteppanu, qaban uɗitteppanu ele eɗun uɗin, ahilag wanppa bena daaglag.

Josua 15:4

Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.