Aisaia 26:8 - Nobonob Baibel

⁸ O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Aisaia 26:8 Referans Kwoze

Aisaia 33:2

O Yawe, na ihinignu amu, na oo bodoette enanag maɗoɗ ele hak kobol dim lamidkkutnu oɗ medattem. Ig na ele laippu daagnignu oonig huanaknab daatte. O Yawe, buttua oh na ihinig ɠagattag daakkutnu oɗ medattem. Ao, na uug nau ihinigppa bette amu, haen amuppa na ihinig padal mematanu ehanittak daakkutnu ele unuqidttem.

Sam 65:6

Nahip ɠagattagppa, na qauko hatte bena, ag abenlagppa daatteb. Nahip ɠagattag am okkainab.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Aposel 1:4

Amu ele deɗ 40 amuppa Nug ag ele oh haen laa ee lanan daanna, Nug amelagppa aum. “Ag Jerusalem paha aib uuppig. Iitta. Ag Kayak Ouɗi da Mamel Nug madakkunu nai qakka aum, da ele nuhignu ag ai dooppig amu, ag Nug ameg mekkulag.

Aisaia 56:1

Yawe inam atte. “Danab ah padal memananu ehanittak kobol dahilnu amu, ehanittak amunu haen am miagnab doum daatte; am uma iitta. Ge, dahil genab tutukku hak kobolnu amu, kobol dahil amu miag atiak daakkunu haen miag uɗiom daatte amunu, ag nai doya mala hettoɗia epeɗia elele mettak kobol dim lamitteg! Ao, ag kobol tutukkuib dim lamitteg!

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!

Solomonnu Ahi 5:8

O Jerusalem ah, da ag laa, nug dahilnu oo mauhtte ele, ag nug anidna, ag nug amegppa dahilnu, “Nug nahipnu oo mauhak huanak doyeye, beɗu gai-iitta meum daatte,” appeg dookkunu wan yaan meɗan, da amelppa ɠagattag akkulagnu ag amelagppa attem.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 84:2

Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Sam 73:25

Hab attan appa amu, da laa ele daagnihnu ool ii hette; na aakkuib. Wanppa ele, da laa ele daagnihnu ool ii daatte; na aakkuib.

Sam 18:23

Anam amu, Kayaknu neekkakppa da oolppa kaliak laa ii daatte. Ao, da hipunin hepanu, da dakka da hipuninnu awaitten daattem.

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

Namba 36:13

Haknunab nai imu dim lamittaknu nai imu ele amu, Yawe Nug Moap uɗemppa, Jodan le ihippa, laih Jerikonu ukkakppa, appa Moses mette, nug Israel mattom.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Sam 130:5

Da Yawenu ehanittak aokkulnu ool dayeye, da Nug amu hekkunu ameg mettem. Da Nug oɗeppa nai mattiom, da nai amunu oolppa genab doottem.

Aisaia 24:15

Ag anam hekkulag amunu, danab ah laih aam bedeppa daatteb amu, ag Yawe binag amahlak oppiaawak ele mekkulag. Ao, ag danab ah aam nodeppa daatteb, ag oh Yawe binag mekkulag. Yawe Nug am Israel dilag Kayak.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 26:13

O Yawe, na am ihinig Kayak. Okkai laa ag ig gumigppig, amge ig na oninib binag mettem.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Sam 42:2

Ao, danab le baag diieb, le antta lakkunu oo huana daatte, anamnab, da Kayak gumitte ukken daakkulnu ool huana daatte. Nug am Kayak bauklel. Ganeb da Nug noobppa daakkul?