Aisaia 26:16 - Nobonob Baibel

¹⁶ O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Aisaia 26:16 Referans Kwoze

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Jeremaia 22:23

Lag ahilagppa ad sida Lebanonnu kuɗum daatte; ag amuppa enanag daatteb, amge gadon, uug amu ahilagppa beeb, ag aiqakkak nau, ah nid aokkunu hette, ag amubia hekkulag.” Yawe Nug da amelppa Juda danab ah dilagnu anam aum.

Aisaia 37:3

Ag gona, ag Aisaia amegppa appig. “Hesekaia nug inam atte. ‘Gemu am deɗ nau, uug nau tonikkaknu deɗ. Deɗ imuppa ig Yawenu daug batak aottem. Ig gemu uɗa nak nau guittak ele doottem. Amu ig ah laa, nuhig haen iitta me, nug nid aokkununab daatte, amge nuhig ɠagattag iitta me, nug nid aokkun elele iitta, ig anam bia daattem.

Sam 142:2

Da unuqittette, da keeke da uug meɗatteb ele, da Yawe amegppa amunu attem. Yo, da keeke heeg, da uug doottem ele, da amunu Nug amegppa attem.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 42:4

Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.

Namba 21:7

Anam mat emalatteg mauhattegeg, laa ag Moses toppa gona appig. “Ig hipunin hemut. Aɗinu? Ig Yawenu, nahipnu ele nai eheɗ amut. Amge na Yawe unuqidppe, Nug heeb, mat nau imu ag ii daamnanu oɗ medattem,” anan oɗ medappig. Ag oɗ mettaeg, Moses nug Yawe danab ah amu ehanadkkunu unuqittom.

Jeremaia 2:27

Ag ad aon, kayak hambuppuak dottog hoina, ag, “Na am ig mamenig,” aon atteb. Ao, ag men laa aona, ag, “Na ig menuigme,” ele aon atteb. Ag amu hekkulagnu diig am, ag da dimeɗan, ag da dim lamiɗkkulagnu uuppig. Ag anam hetteb, amge uug bette haenppa ag ahan, da amelppa, “Uɗin ehanigppe, ig padal aib memut!” aon atteb

Ikki Danab 10:15

Nug anam aum, amge Israel ag Yawe amegppa appig. “Ig hipunin hemut. Na nakka ig bu megakutnu oɗ medattem. Na bu attem megakkutnu dabmena megakkut am nahip-ppa daatte, amge na ehanigppe, ig kekeɗ eppelagppa ii daamtanu oɗ medattem,” aon appig.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 77:3

Da aiqagekke, Kayaknu dabmettem. Ao, da ɠagattag dahil iitta meeme, nuhignu dabmettem. Sila.

Sam 78:34

Haen laala Kayak Nug laa aqe amu, haen amuppa laa daappig ag Kayaknu dabmak dooglagnu meulag ohppa dabmena, ag oolag eɗue, Kayak toppa wappig.

Jeremaia 29:12

Da anam ehanadppi, ag eɗun dahilppa uɗin, ag da onil diin, unuqiɗkkulag. Ag unuqiɗppeg, da ahilag unuqittak dookkul.