Biblia Todo Logo
Bib sou entènèt

- Piblisite -




Aisaia 25:2 - Nobonob Baibel

2 Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

Gade chapit la Kopi




Aisaia 25:2
24 Referans Kwoze  

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.


Doɗ haaina ag geha uɗin, ban haknu aben ɠagattagppa daaglag. Ao, doɗ jakal, ag uɗin, kingnu lag enanagnab, ag amuppa ele daaglag. Ag anam daanna, ag appa gaaglag. Babilonnu haen aakku iitta mekkunu hette. Da nuhig haen tuɗidppi, nakok laa ele ii daama.” Yawe Nug anam atte.


Kayak Nug geha aab okkai ahilagnu aɗ attan, ɠagattag ele, Nug amu oh loppaɗeb gappudppa nekku. Gemu aɗ amu attan, ɠagattag ele daatte, amge Nug geha heeb, ag nena qena, wanppa nokkulag.


Ag anam ana, ag wan gappud agappeg, ikkilagppa teebeb, ag oolag uug ele daan gaanna, inam enan akkulag. ‘O gadonnab gadon! Uub mamelkad oh, ahilkad uub amu yu qaɗeppa oiyakppa ag keeke aona, aab okkai amuppa meeg, daden meegeg, enulag ele daappig amu, aua laippuppa aab okkai amu aakku iitta meum,’ aon akkulag.


Qauko eotte am oug me, men daatte am gai-iitta, amuppa keeke ena laa haknu elele iitta, danab men amu awa, keeke laa ii hette, amubia da heppi, Babilon wan am amubia daakku. Aɗinu? Babilon wan am hele-ettak hanhan daakku.” Yawe Nug anam awa atte.


⌊O Ponisia danab ah, ag Yawe Nug aɗi bekkunu maittak aotte ele amu, keeke amu bette anidkkulagnu⌋ ag neegna, Babilon dilag wan antteg! Appa danab ah qainqainib oitteb. ⌊Aɗinu? Yawe dabmeum bia⌋ Asiria ag ahan heeg, Kaldia wan am nauhakib daatte. Am ai nau, doɗ nau ele dilag aben aakku daatte. Asiria ag Kaldia dilag aab laala aɗ ele, ag aab amu eɗadkkulagnu ag aɗ dimittim lag attan ta ukkak hattana, appanu eɗadppig. Asiria anam heeg ukke, ag Kaldia dilag king laug, danab okkai laulkad ena ena ele, ag lag amu ohppanu keeke oh akkan goppig. Ag wan amu aakku heeg nauhom daatte.


⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.


Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.


Anam hena, ag danab amu dilag keeke oh akkan, aab gamagppa haɗap okkaippa mena main, ag aab nakok amu oh maippeg, ewa iitta maɗ! Amuam ag manaknu ofa, Yawe, ahilag Kayak, ag Nug medatteb, am amubia daakku. Aria, aab nakok amu nug nauhak anam aakku alet daakku. Ag aab amu aib eɗun bappaidppig.


Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.


Kayak Nug keeke laa he nauhtte amu, laa nug eɗua babaitteb, ena daakkunu elele iitta. Auntai laa Kayak Nug maniguittakppa inatte amu, laa nug uhuqkkunu elele iitta.


Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.


Amu Yawe Nug dada danab ah onilag ele, Nug ag onilag qe nette. Ao, Nug ahilag aab okkai loppaɗe, aab amunu lag, aɗ keeke ele wanppa na qette. Nug he, aab amu nauha auta aotte. Ao, Nug he, aab amu na qa gappudppa daatte.


Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,


⌊Ag mahieg!⌋ Aɗinu? Aab imuppanu king laug enanagnab am hamu, danab iitta daakku. Ao, aab okkai am hele-ettak daakku. Aab ooppa aben aɗ ɠagattagnab ele, ban danab neegna kekeɗ anidttebnu lag attan ta ukkak menppa hak, amu ele nauhna, nena qena, haen elab anamib daan, daappigppa amu, amuam wan meu waknu nakokib eleleppa daaglag. Appa amu, gikkiɗah beeb, donki sipsip ele ag enanagnab doon, gikkiɗah lanan daaglag.


⌊Haen amu uɗikku, amge haen gamag imuppa amu,⌋ ais doɗo hab waappanu naana, atu, aab okkai imu ele heeb nauhkkulag,


Uud keeke qaun ele ba, aab ooppa aben aɗ ɠagattagnab ele tonakku. Ao, muɗi qaun digdig ele bena, ban haknu aben ɠagattag ele tonaglag. Wan amuppa doɗ jakal ag daaglag. Ao, hipunai ag aguppa daaglag.


Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.


Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.


Babilon geha nauhkku am inam. Danab laippu laa geha appa eɗua ii daama, ukkeb haen malak batak. Ao, laa appa ii daama, ukkeb ukkeb, gog tak haenppa batak. Geha Arebia danab laippu laa nug uɗia, peh lag nuhig Babilon ii buuma. Amu geha sipsip gumak danab laippu laa nug geha nuhikkud sipsip omalatteb gona, Babilon ee mattin ii lamana. Iitta!


⌊Danab ah ag geha appa ii daamna. Iitta!⌋ Amge doɗ dakkuɗ atu taɗakppanu ag uɗin, appa daappeg, doɗ jakal ag uɗin, lag amuppa ambena daaglag. Hipunai ag geha uɗin, appa teɗ mebeppeg, meeme dakkuɗ ag ele geha uɗin, qiɗ henan daaglag.


Aab okkai ⌊anen anen⌋ amu hele-ettak daappeg, ⌊danab ah laippu laippu ii mauhppig, appa lag laippu laippu ii nauhak daatteb, ag appa daan baɗan⌋ heppeg, laulkad od oh manak qak daaglag.


Swiv nou:

Piblisite


Piblisite