Aisaia 24:21 - Nobonob Baibel

²¹ Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 24:21 Referans Kwoze

Sam 76:12

Nug he, ikki danab ag Nug waappa daatteb. Ao, king wanppanu ag nuhignu ebehilag oh bodoetta le mette.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Revelesen 18:9

Wanppanu king ag ah amu ele ewau pakkua gappai hak kobol hena, nug ele kobol nau kuɗum laa ele heppig amunu, geha wanppanu king ag nug aab aɗuppa ewebeb, nuhig aab kahug anidna, ag mahinna gaaglag.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 24:4

Wan nug qaɗaietta nauhkku. Ao, wan nug hamu daya nauhkku. Ge, wanppan danab okkai okkai, ag padal mekkulag.

Aisaia 60:11

Wan laappan danab ag en ahilag aon, ag Juda mattaglagnu, ag Juda ag danab amu dilag king aab ooppa omalna gokkulagnu ele amu, Jerusalem aɗnu od am hanhan matulakib daaglag. Danab ag od amu amun, tuqan ele ii manadmana.

Sepanaia 1:8

Yawe Nug atte. “Deɗ da mana mettaknu hobul hekkul amu, deɗ amuppa da kingnu ehanittak anuqak danab, king bekkod, amu laa oh wan laappan danab ah ag eheɗ hetteb bia eheɗ hetteb ele, da danab ah amu oh bu madakkul.

Esekiel 39:1

Amu Yawe Nug anam awowa, Nug nai tuɗitta aum. “Danab bekka, na Gog amegppa uug nuhigppa beeb anidkkunu propet nai inam appe doyeg! ‘Naɗi Yawe Nug inam atte. O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Esekiel 39:5

Da Naɗi Yawe, da aakku mattie malami amunu, ag dad okkaippa mauhna, nena qena, gaɗalag appa niiglag.’ ” Naɗi Yawe Nug anam atte.