Aisaia 24:19 - Nobonob Baibel

¹⁹ Wan ⌊eheɗ naunab nau uɗalala,⌋ panakku. Wan paneb ukkeb, oɗe okkai okkai daakku. Wan eheɗ nau hahaɗkku.

Aisaia 24:19 Referans Kwoze

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Duteronomi 11:6

amu haen Yawe he, Israel oolagppanab Datan, Abiram ele, aa Ruben buɗubppan danab Eliap bekoɗ, aa wan oɗe matule amu, aa, aa baeltippa ele, ahilti peh, amu keeke ahilti oh ele ooppa nopiɗ, ag Israel, ag ahilkad nid ag amu oh ii anidppig.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

2 Pita 3:12

Ag anam daanna, ag Kayaknu deɗ, deɗ amuppa hab, amu nuhig keeke oh ele aabnu gakkaɗakppa eon iitta mekkulag amu, ag deɗ amu tappaɗidnana oiyeg!

Namba 16:31

Moses nug nai amu oh mattia male, haen amuppanab wan danab amu aa tappaya daapiɗ ele amu obate,

Namba 16:32

oɗe metta, moɗ daye, aa amuppa nopiɗ. Datan, Abiram ele, aa baeltippa ⌊qe-ii-meppig ele⌋, amu ahilkad keeke ele, amu Koranu, ahilkad keeke oh ele moɗ ooppa noppig.

Sam 75:3

Haen wan nug uɗalele, danab ah wanppa daatteb ele ag uug doyegeg, daib da wan ɠagattag medattem. Sila.

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.