Aisaia 24:18 - Nobonob Baibel

¹⁸ Am inam bekku. Danab nug haen naunu nai doya, nug haen nau amu ii aomanu nug oolkku amu, geha nug moɗ hayagppa nokku. Aria, ⌊haen amuppa⌋ laa nug moɗ hayagppanu ba oola ukka amu, geha pelemppa tekku. Amu haen amuppa hab od oh geha matuleb, le gokkaɗa, wanppa neebeb, geha wannu ukku uɗalkku.

Aisaia 24:18 Referans Kwoze

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Genesis 7:11

Haen amuppa Noa nug maɗ 600 dayom. Maɗ 600 dayeye, kalam ebqak aɗit, kalam amunu deɗ 17ppa, gu okkai neene, Kayak Nug he, wan panatte, wan ooppanu le huanak qeppuɗin beegeg, le hiɗ naɗi digma beum.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Sam 18:15

O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Job 20:24

Kekeɗ laa lat doɗo aeg aenppa hak eeb, qe-eɗidkku dayeb, kekeɗ laa nug lat doɗo aeg brasppa hak ewa, qeeb mauhkku.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Genesis 19:24

Lot nug Soar te, aam be, Yawe Nug he, kalu laa huana eotte onig salpa habppanu ewawa Sodom, Gomora ele qaɗelahppa neum.

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Aisaia 2:21

Haen Yawe Nug ha, wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag buttuɗppa gona, amu waappa daaglag!

Aisaia 8:14

Yawe Nug danab ah ⌊ag anambia hetteb ele amu, Nug amu⌋ dilag lokkumak aben ɠagattag bia daakku, amge Israel, Juda ele dilagppa amu, Nug am men laa danab ippulagppa dayeye, danab ag men amuppa baelag qena, nena qetteb bia daakku. Ao, Nug am men laa he, danab ag nena qetteb, amubia daakku. Amu Jerusalem danab ah dilagnu amu, Nug ahilagnu pelem, o uhui bia ag aɗualadkkulnu daakku.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 42:22

Amge ⌊Israel⌋ danab ah imu amu, laa ag ban hena, ahilag keeke oh aoppig. Ag oh am doɗ pelemppa daatte, ag anam bia daatteb. Ag danab maniguittakppa daatteb, ag amubia daatteb. Ag ban danab ɠagattag ag laa dilag keeke aon gotteb ele, dahilad danab ah ag keeke laa aon goppig ele, ag amubia daatteb. Ag anam daatteb amu, laa nug ag ehanatteb, ag qagaiettakppa ii daamnanu am iitta. Yab danab ag keeke yab aon gotteb amu, dahilad danab ah ag keeke laa yab aon goppig ele, ag anam bia daatteb, amu laa nug, “Ag yab danab, ag eheɗ anam heppig. Ag danab ah amu paɗadppeg, ag eɗun, ag wanelagppa ukkeg!” akkunu iitta.

Jeremaia 48:43

Ag Moap danab ah, ag baɗak eheɗ nau dooglag. Ag doɗ wan moɗppa na qette, ag amubia hekkulag. Ag doɗ pelemppa notte, ag amubia hekkulag.” Yawe Nug anam awa atte.

Jeremaia 48:44

Ge, Yawe atte. “Da Moap danab ah ahilag bu awak haenppa bu madakkul amunu, aun nug baɗak eheɗ nau anidmanu ooltte amu, nug wan moɗppa na qekku. Laa nug moɗppa na qa, eɗua dimittim doa, nug eɗua, pelemppa tekku.” Yawe Nug atte.

Gayak Nai 3:47

Ig baɗak eheɗ nau doot, ig neta qekkunignu oita; ig nauhta, padal memut.” Ig anam aot unuqidtu!

Esekiel 11:8

Ag Israel ag kekeɗ qep elab ele uɗin eɗadmananu baɗatteb amu, da heppi, kekeɗ ag anam hekkulag.” Naɗi Yawe, Nug anam atte.

Esekiel 12:13

Nug oolkkunu anam hekku, amge da uhui dahil meppi, nug amuppa tekku. Nug teeb, da Yawe, da heppi, kekeɗ ag omalna, Babilon wanppa, Kaldia danab daatteb, appa gokkulag. Ag omalna gona tekkulag, amge nug wan amu ii anidma. Nug appa mauhkku.

Esekiel 15:7

Da ahilag hak amunu eheɗ doyeye, ool ii madapa. Ag aab aɗuppa guittak aoppig daatteb, amge ag aab aɗu laappa padal mekkulag. Da ahilag hak amunu eheɗ doyeye, ool ii madappi, ag laa ag dooglag, da am Yawe.

Sam 18:8

Am genab, danab laa oppoɗi huana beeb, diig amunu kahug nug noobppa beebe, oɗeppa dittiak beebe, dittiak waappa ottag daalob amu, amubia Yawe Nug oppoɗi huananab beum.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.