Aisaia 24:14 - Nobonob Baibel

¹⁴ Danab ah ⌊uug awak haenppa ag uugppa ii mauhppig daatteb ele,⌋ ag baalag okkaippa ekkulag. Ag oo gamag ahak naɗi doon, ag huana ekkulag. Danab ah amu, ag qaban uɗitteppanu ele, ag Yawe Nug dagom onig ɠagattag elenu qalan mattiglag.

Aisaia 24:14 Referans Kwoze

Sekaraia 2:10

Amu Yawe Nug atte. “O Sion danab ah, da ag oolagppa daakkulnu uɗittem amunu, ag gamag ahak okkai doon, ag baalag okkaippa eig!” awa atte.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Jeremaia 30:19

Da anam ehanadppi, Jakop buɗub ag ahi ettanna, ag ahi amuppa, ‘Ena hen mekkame,’ da amelppa akkulag. Ag oo gamag ahak okkai doon, gamag ahaknu heppeg, oqotti okku. Da heppi, ag appatna, kuɗum daaglag. Ag ahilag ebqak am tutu ii mema. Da heppi, ag danab onilag ɠagattag ele daaglag; danab laa ag ahilagnu, ‘Ag binalag ele,’ dooglag.

Aisaia 54:1

Yawe Nug atte. “Ah na oot keldoak, na nid menuaknu laa iitta, na ahi ette! Ao, ah na nid awaknu guittak deɗ laa ii doome ele, na ahi ettan, ootppa gamag ahak doon, na e! Aɗinu? Ah gemu nukkanab daatte, Nug am nid kuɗumnab, ebqak ahilag am ah gamu ele, nid ahilti dilag ebqak eɗittak ele daakku!

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 35:2

Keeke kuɗumnab atu taɗak appa mappatadppeppeg, wan amuam bala mabatak ena ele, amubia enanag daakku. Wan amunu keeke oh danab nug oo gamag ahak doyaya, baag okkainab ele ahi edatte, amubia wan amunu keeke oh ag danab daaloblob am gamalag aheb, ahi ettalob. Yawe Nug heeb, gemu laih atu taɗak daatte amu, atu amu qinob Lebanon wan binag ele daatte, am binag amubia ele daakku. Ao, Yawe Nug heeb, atu taɗak amu, am qauko Karmel, uɗem naɗi onig Saron ele, aa aben enanagnab, onig ele, am wan amubia daakku. Yawe Nug heeb, atu amu anam bekku amunu, danab ah atu ohnu ag anam anidna, ag Yawenu binag amahlak oppiaawak ele anidkkulag. Ao, ag Kayak, Nug am ihinig Kayak, ag nuhig ɠagattag okkai naɗi ele anidkkulag.

Aisaia 27:2

Haen amuppa ⌊Yawe anam hewowa, Nug inam akku.⌋ “Ag grep dad enanagnu ahi etteg!

Aisaia 26:1

Geha dimppa haen laa uɗieb, danab ah Juda wanppa daatteb, ag geha ahi imu ettaglag: Ig am aab okkai ɠagattagnab ele. Yawe Nug he, Padal ii maknu ehanittak nuhig am aab amunu aɗ, wan buue te aɗ itak ele daatte.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 48:20

⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!

Aisaia 60:5

Ag amu anidna amu, ag oolag gamag eheɗ ahakku. Ao, ag gamag ahak naɗinab dooglag. Aɗinu? Wan laappan danab ag Yawe binag mekkulagnu yu qaɗeppa uɗina, en kuɗum aon uɗiglag. Ao, wan laappan danab ag Yawe binag mekkulagnu en okkai mawadna uɗiglag.

Jeremaia 51:10

Amu Israel danab ah ag akkulag. “Yawe Nug ehanittak okkainab mekke, ig Babilon eppelagppa ii daattem. Ahappeg, ig Sion appa Yawe, ihinig Kayak, ig Nug attem attem heum apput doyeg!” aon akkulag.