Aisaia 23:18 - Nobonob Baibel

¹⁸ Amge Tair nug men doɗo aokku oh, am geha nukka nuhig qagmeeb ii daama. Aɗinu? Geha keeke amu oh Yawe nuhig keeke daaglag. Amu Yawenu danab ah ag geha keeke oh Tair qagmekku amu aoglag. Aon am, geha ag ee kuɗumnab lakkulagnu ele daanna, geha ag lamen ena ena ele aon mekkulag.

Aisaia 23:18 Referans Kwoze

Sam 72:10

Tarsisnu king, amu wan umanu king ele, ag en takis bia, aon uɗin mettaglag. Ao, aab aɗit, aa oh onilti am Seba, ahilti king ag keeke ena ena aon, nug gumidna wana, keeke amu nuhig daakkunu hamu mettaglag.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 8:3

Laa Joana, nug amu Herot laug gumappig ele dilag okkai onig Susa, nug wau. Aria, laa am Susana, am kuɗum laa ele. Ah amu ag ahilag keekeppa Jesus, amu nuhikkud ippunittak awak danab ele ehanadppig.

Mak 3:8

Judanu, Jerusalemnu, Idumeanu, Jodan le laihnu wan atuppanu, aria Tair, Saidon ele dilah wan atu eleppanu, ag oh Jesus kobol hettom dooppig amunu, ag Nug anidkkulagnu dim lamidna goppig.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Prowerb 28:8

Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Sam 45:12

Tair danab ah ag na keeke kuɗumnab ena ena, nahip daakkunu hamu mettaglag. Danab ah en okkai ele ag na ahilagnu ii helom bia me, na ehanadkkutnu, ag na keeke nahip daakkunu hamu mettalag.

Sam 72:11

King oh ag nug noobppa dup nokkulag. Ao, danab ah wan ohppanu ag nug waappa daan Nug oɗe dim lamidkkulag.

Esekiel 26:12

Anam amu, daup amu ag Tair danab ah, ag ahilag en, ahilag keeke ele aonna, laulag ena ena amu loppaɗadna heppeg, nauhna autna aoppeg, daup ag aabnu men aɗ heppeg, kinipan neeb, akkan agappeg yuppa nokku.

Sekaraia 14:14

Ag anam heppeg, Jerusalem danabib iitta, Juda danab ag ele Jerusalem ena daakkunu ban hekkulag. Ag anam hena, ag kekeɗ eɗadna, ag wan oh Juda talilidna daatteb ele, ahilkad daup, ag banelag uɗippig, ag amu dilag en aoglag. En amuam gol, silwa, lamen ele. En amuam en okkainab daakku.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.