Aisaia 23:15 - Nobonob Baibel

¹⁵ Haen keeke amu beeb, danab ah ag maɗ 70 keeke anam aab okkai Tairnu geha daulag atikku. Amuam laa, nug king daakkunu haen elele bia. Haen maɗ 70 amu maleb, aria aab Tair nug ahi laa ippunigtte bia hekku. Ahi amuam ib baag ah laanu ahi. Ahi amu, ⌊am danab dilag dabmak nauppanuib⌋ am inam daatte.

Aisaia 23:15 Referans Kwoze

Jeremaia 25:22

Aria, da Tair, Saidon dilag king anen anen matten, da wan laala yu hippeg laihppa daatteb ele amu, da ahilkad king ele mattami.

Revelesen 17:10

Ikki eblaih aɗit ele am king eblaih aɗit ele, amu ele ippunigtte. Tanig ele amu ag aakku bena, nena qeppig. Laippu laa amu daatte, laippu amu nug ii beum. Nug ba amu nug haen tutuib daakku.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Daniel 8:21

Meeme dawai uɗig elab ele, nug Grik danabnu ɗo maɗoɗnu epponak keeke daatte. Qeqeɗi okkai, meeme ameg laih laih gamalahppa daatte, qeqeɗi amuam Grik wannu king ebqak tatamnu epponaknu keeke daatte.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Esekiel 29:11

Da heppi, Isip wan nauhakib dayebeb, danab, o doɗ laa Isip wan oppata ii goma; appa laa ele ii daama. Ukkeb ukkeb, maɗ 40 uueb eɗun daaglag.

Esekiel 27:25

Aria, O Aab Tair, danab ag anam anam uɗin, nahip keeke aoglagnu keeke amuppa daden meppig, gemu ele hetteb, amge na ele nahip keeke laala uubppa mee, aon laih laih goppig, gemu ele hetteb. Uub amuam Tarsisnu. O Aab Tair, na am uub laa, yu gamagppa ugekke, nuhigppa keeke oh ambakib daatte amu, na amubia daattem.

Jeremaia 29:10

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.

Aisaia 23:16

“Ib baag ah, ⌊na kaino me,⌋ danab ag nahipnu daulag atiom amunu, na danab ag eɗun nahipnu dabmekkulagnu henana, na aab okkai ooppa ahan, miag atiak oinna, harp elelenab qenana, ahi kuɗum ele eɗualatte!”

Aisaia 23:17

Am inam bekku. Haen maɗ 70 maleb, Yawe Nug geha Tairnu dabma heeb, aab okkai amu eɗua beeb, appan danab ah ag keeke laihnu awa dadennu mak danab ah eɗun daan, wan atu ohppa uɗat amu hekkulagnu appan danab ah eeɗadkkulag. Ib baag ah danab nuhigppa uɗiglagnu eeɗadtte, amubia.

Esekiel 16:35

Anam amunu Jerusalem, na ib baag ah, na Yawenu nai doye!