Aisaia 23:12 - Nobonob Baibel

¹² Yawe Nug inam aum. “Saidon danab ah, ag baula gamag ahak doon, muttub ii qemana. Ag ah makkun laa, guittak okkai awom bia daatteb. Ag ahan, Saiprus nudppa gokkulagtai, amge ag gona, appa ele, geha ag ena, elele ii daamna. Iitta. Ag maɗoɗ ii anidmana,” awa aum.

Aisaia 23:12 Referans Kwoze

Revelesen 18:22

Babilon, nahip-ppa danab ag heegeg, harpnu oqotti, ahiettaknu oqotti, dumuttum iwalaknu oqotti, trampet iwalaknu oqotti ele amu baula nahip-ppa ii daama. Nahip-ppa amu, danab nug aɗi uɗat laa haknu doyak okkai ele laa ii daama, amu laa nug ee aeg ganuaɗaknu mennu oqotti ele baula nahip-ppa ii dooma.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Esekiel 27:6

Danab ag na heidna amu, ag ad ok, Basannu, ag ad amu aon, nahip elqak ad hoippig. Nahip-ppa oo duqaglagnu amu, ag ad saipres, Saiprusnu aon, bappaidna duqappig. Ag duqona, ag ad amuppa kobol kobol hoiyak dayomppa elepan aeg babaittak qataqeppig.

Gayak Nai 4:15

Ag lamen ahilkad aɗamnanu baɗan, ag, “Ahan ukkeg! Ag Yawe ele ouqak daaglagnu elele iitta ⌊amunu ig ag ele ouqak daagnignu uuttem⌋!” aon atteb; “Ukkeg, ukkeg, ag aib aɗaigppig!” aon atteb. Ag anam eeg, diig amunu ag gonana, ag wan laalappa gona, yawaina oiyegeg, appanu laa ag ahan; “Umu amu, ag ig ele baula daagnignu elele iitta. Ag ukkeg!” aon atteb.

Gayak Nai 1:15

Naɗi Nug ig Juda, ihinig daup ɠagattagnab dimattom. Ao, Nug daup laa ag ig Juda, ihinkad nid bau maduduɗadkkulagnu onilagppa eum. Naɗi Nug danab grep meu tappa leppu awaknu abenppa grep meu baegppa tappe, meu nauhtte, amubia Nug he, Juda danab ah ag nauhadppig daatteb.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Jeremaia 46:11

O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Aisaia 23:7

Keeke attemnab Tair aab okkaippa beum? Danab amunu doya, ooppa genab dookkunu am uug nau ele. Aab okkai amuam anukkanunab; am aab okkai amunu danab ah ag oh am gamalag ahehe, muttub qeppig. Anukka aab okkai amuppan danab ah ag ahilkad danab laala ag ahan, wan laalappa gona, ag tuɗidna, aab okkai bau kuɗum buuadappig. Amge aɗinu gemu aab okkai amu nug nauhom daatte?

Josua 11:8

Yawe Nug Israel ehanatta, kekeɗ ban daup amu diia, ag eppelagppa meum. Israel ag kekeɗ lamadna gona, Saidon Anuqak, appa, amu Misrepot Maim appa wana, ag lamadna gona ele, Mispa, ban digmeppigppanu kaɗag uɗitteppanu daatte amu, ag appanu oolnu noakppa wappig. Ag tuɗidna lamadnana aqaegeg ukke, laippu laa bau ii dayom.

Genesis 49:13

Seblon, nahipnu amu, na yu ihippa daakkut. Ao, na uub uɗia eeɗa daatte, na aben amu gumadkkut. Ge, nahip wannu tom am ukka, Saidon guguittak daakku.

Jeremaia 2:10

Da anam hekkulnu diig am inam. ⌊Ag Juda,⌋ ag ahan Kitim gona, neegna antteg! Ao, ag laa meppeg, Kedar ukka, nug neekka auta autanab awaɗ! Ag anam henana, ag laa ag Israel danab ah heppig bia heppigtai, o iittatai neegna antteg!

Daniel 11:30

Haen inamppa bannu uub yu ihippan wan laala qaban uɗitteppanu daatteb, ag appanu uɗin, Isip ehanidna, wan yawalti uɗitteppanu dilag king ele ban hekkulagnu daaglag amunu, wan yawalti uɗitteppanu king nug ban amu hekkun ooppa ɠagattag ii dooma. Nug anam dookku amunu, nug wan yau uɗitteppanu daatte, nug wan amunu king, nuhikkud daup ele ban hekkulagnu oo huana daakku, amge nug ban hak uub uɗippeg antta, elele iitta doya, ban amu hak uukku, amge nug oo hette ele hekkunu elele iitta amunu, nug oppoɗi huan beeb, ameg kokoɗ eppeb, nug eɗua ukka, nug, nug tituanna nai qakkaknu nai oppiaawak ele, Kayak he, Nug Israel ele ag amu heppig amu, nug nai amu qeeb nekkunu haaha, danab ah amu dim lamidtteb ele eheɗ nau hadakku. Laa ag oolagppanu ag Kayak dim lamidkkulagnu nai qakkak oppiaawak ele uun, ii dim lamidkkulagnu akkulag amu, nug ahilagnu ena doya eheɗ ii hattama, amge laa ag amu ii heppeg amu, nug ag genab eheɗ hadakku.

Genesis 10:4

Jawan bekkod am Elisa, Tarsis, Kitim, Rodanim ele.