Aisaia 23:11 - Nobonob Baibel

¹¹ Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Aisaia 23:11 Referans Kwoze

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Jon 2:16

Nena qena, danab uppuɗil beɗulag nakok ele dadennu maatteg daden maadppig ele amelagppa aum. “Keeke amu akkan ukkeg! Ag da Mamel laug amu aib heppeg, ee oɗiak aben bia dayom!” awa aum.

Mak 11:17

Jesus Nug anam hewowa amu, Nug ag amelagppa aum. “Kayak naippa yaak inam daatte. ‘Danab ag da laul am wanppan wan ohppanu danab ah dilag unuqiɗak lag dooglag,’ amge ag heeg, nug yab danab naunab dilag lokkumak aben bia daatte!” awa aum.

Sekaraia 14:21

Amge amuib iitta. Waa oh, Jerusalem appa, Juda wan ohppa ele, waa amu oh am Yawe Nukka Ɠagattag Oh Ele, nuhig daaglag; ag Yawenu tituanak daaglag. Amu aun nug Jerusalem appa mana mettak hekkunu Jerusalem tekku amu, nug waa amu laa awa, amuppa doɗ laa mana, Yawe medakkunu teppu laih nug battia lakkunu daatte amu, nug waa amuppa badikku. Aria, haen amuppa laa nug genab tutukku hak danab iitta, nug Yawe Nukka Ɠagattag Oh Ele laugppa ii wama.

Hagai 2:7

Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

Nahum 1:14

Yawe Nug haknunab anak imu Niniwenu aum. “Ag buɗulkad laa, ag onilkad tuɗid ele daakkunu am laa ii daama. Da ahilkad kayak hambuppuak adppa hoiyak, kayak hambuppuak gol o silwappa hak ele, dottolkad amu ag ahilkad kayak hambuppuak dilag mettid lagppa daatteb amu, da heppi, ag nauhkkulag. Ag Niniwe, ag am danab ah ahilag kobol uɗig wak ele amunu, ag aguppa niiglagnu da ahilag moɗ bappaidkkul” awa atte.

Esekiel 31:16

Da hei, ad elabnab amu na qe, oqotti o, wanppan wan oh ag doon ottaippig. Da hei, danab ag mauhna, moɗppa niiegeg, ad amu na qa, appa no, ag ele daappig. Da anam hei, ad amu na qe, ad laa oh Iden appa daappig, ad amuam Lebanon wanppa enanagnab appa daappig ele, ad amuam ag diɗilkad matu leppa noeg daappig, ag gemu mauhak moɗppa niitteb amu, ag oolag meum.

Esekiel 26:10

Nebukatnesar nug hos huanaknab ele uɗikku amunu, hos ag oippeg, gappud huanak eheɗnab aha, ag Tair danab ah tonadkku. Anam dayebeb, daup ag aɗ loppaɗna, aab ooppa gona, aɗnu od matulatteg, Nebukatnesarnu daup laa ag danab huanak aab okkainu aɗ loppaɗak daatteppa aab ooppa gotteb bia, ag aɗnu odppa aab ooppa nokkulag. Haen amuppa amu hos kuɗum, bannu karis kuɗum, uɗatnu karis kuɗum nona, ag aɗ od oɗeppa gobeppeg, oqotti huanaknab oobob, aɗ ⌊ii loppaɗak⌋ am uɗalkku.

Jeremaia 47:7

Amge Yawe Nug qep elab amu Pilistia heeb nauhkkulagnu haknunab aum amunu, qep elab amuam attem ha, hamu daakku? Ao, Yawe Nug qep elab amu Askelon, Pilistia yu ihippa daatteb ele aqakkunu, ag ele ban hekkulagnu haknunab aum amunu, qep elab am attem ha, amu ii hema?

Aisaia 25:2

Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

Aisaia 23:3

ag yu digdigppa oitteb. Ag oinna, ahilkad uubppan danab ag Isip wanppa gona, ee aeg aon uɗieg, ag mena men doɗo aotteb. Ao, ahilkad uubppan danab ag laih Nil le daugppanu ee meu aon uɗieg, ⌊ag mena, men doɗo aotteb⌋. Ahilag uubppan danab ag anam aon uɗieg, ag am wan atu ohppa keeke laihnu awa dadennu mak danab anuqak beppig daatteb.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Sam 71:3

Na da kekeɗ niɗamanu ehanittak dahil daappe, da hanhan nahip-ppa gokkulnu daakkutnu oɗ medattem. Ao, na am kekeɗ niɗamanu ehanittak dahil, aab aɗ ɠagattagnab ele dahil bia ele daattem amunu, na da padal mepanu ehaniɗkkutnu unuqidttem.

Sam 46:6

Wan imuppan wan anen anennu danab ah ag akka akka nug qeegeg, ɗo maɗoɗ laala nena qetteb. Anam, amge Kayak Nug nai maditte, haen amuppa wan baolia le bia daatte.

Genesis 9:25

Doya amu nug aum. “Da Kanan eheɗ laa awaknu anak waappa daakku ool daatte. Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 14:26

Wan imunu wan anen anen ohppa da amuib genab hekkulnu maittak aottem. Ao, da amu hekkulnu amu, da eppel bahien daai, wan oh tonom daatte.” Yawe Nukka Ɠagattag Oh Ele, Nug anam awa atte.

Aisaia 19:5

⌊Amu Isip he nauhak haenppa amu, Yawe Nug heeb,⌋ geha Nil le am noa ukka, iitta mekku. Le iitta meeb, wan ba, wan qaɗaietta autanab aokku.

Aisaia 23:10

Ag danab ah Tarsis daatteb ele amu, ⌊Tair nauhom,⌋ uub eeɗaknu aben appa ii daatte amunu, ⌊ag gemu appa ahilkad uub eeɗadna, keeke maadppeg, daden meppeg, men doɗo aoglagnu⌋ elele iitta amunu, ag ahan, Isip danab le Nil daugppa wan buutteb bia, ag ahilag wan buun, ee aweg!

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Esekiel 26:4

Kekeɗ ag uɗin, Tair aabnu aɗ loppaɗppeg, wanppa nena qeppeg, lag attan ta ukkak menppa hak daatteb ele loppaɗadppeg nekkulag. Ag anam heppeg, dimppa da Yawe, da heppi, Tairnu kinipan oh dayomppa ii dayebeb, Tair dayomppa hamu menib daakku.