Aisaia 22:25 - Nobonob Baibel

²⁵ Haen amuppa pin elab tatam ɠagattag dayom amu, geha uhuqa auta, na qekku. Ag nuhigppa aihna uug medappig, ag geha nauhkkulag. Yawe Nukka Ɠagattag Oh Ele, Nug anam mattiom daatte amunu, am anam bekku.” Aisaia nug Kayak oɗe Sepna amegppa anam aum.

Aisaia 22:25 Referans Kwoze

Aisaia 46:11

Da danab laa ⌊Sairus,⌋ aam bedeppanu, ⌊nug ban haknu danab⌋ ai doɗ qe mauhe latte, nug amubia hekku amu, da nug onigppa ettem. Ao, da wan umanabnu danab laa nug dahil dabmak dim lamitta, dahil oo hak heeb bekkunu onigppa ettem. Da aɗi heppi bekkunu ami am, ana bekku. Ao, da aɗi kobol bekkunu maittak aomi amu, da heppi bekku.

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Aisaia 22:23

Geha da heppi, nug uɗat amuppa ɠagattagnab daakku; pin elab ad laa giɗoppa yaatteb, amubia. Nug baekkudppa oh binalag nuhignu aoglag.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Esekiel 5:17

Da heppi, enug haen beeb, doɗ dakkuɗ ele ag aqadppeppeg, diig aɗit amuppa nid naunau ahilkad mauhppeg, ag nid iitta ele daaglag. Oɗe nau danab kuɗum aqe mauhtteb ele, aria layag qe mauhak kobol ele ahilagppa beeb, kekeɗ ele ag uɗin aqadkkulag. Keeke nau amu oh da heppi, ahilagppa beeb, ag nauhkkulag. Da Yawe, da aakku attem.” Yawe Nug anam aum.

Esekiel 5:15

Haen da ool nauheb, oppoɗil beeb, daug batak uug, eheɗ ele hein, bu eheɗ madappi, wan laala Jerusalem talilidna daatteb, amuppan danab ag ahilagnu hamu bia doon, aon aon aqan, ag da ahilagppa hemi anidna, ag ele padal memananu dabmak aona, da ag bu attem mattami anidna, ameg iɗuak dooglag. Da Yawe, da aakku attem.

Esekiel 5:13

Ag bu anamib aakku aoppeg ukkeb, ag ahilag hipuninnu nob elele aoglag. Ag aoppeg, dahil oo nauhak am aakku iitta mekku. Ao, dahil oppoɗi bak am oug mekku. Ge, da baula nob madakkulnu uukkul. Da bu anam madappi, oppoɗi bak dahil oug meeb, ag da Yawe, da yag-nab-bak doyen, bu anam madakkulnu ami amu, ag amu dooglag.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Aisaia 48:15

Da, ge da, da nug amegppa ami. Ao, da nug tituanmi. Da heppi uɗieb, da nug aɗi hekkunu tituanmi amu, nug elele hekku.

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Aisaia 22:24

Ge, nug nuhig uɗat am uug ele, amge nug elele heeb ukkeb, nug baekkudppa oh, laa onig iittanab ele amu, geha ag oh nuhig haknu binag amahlak oppiaawak ele aoglag.