Aisaia 22:23 - Nobonob Baibel

²³ Geha da heppi, nug uɗat amuppa ɠagattagnab daakku; pin elab ad laa giɗoppa yaatteb, amubia. Nug baekkudppa oh binalag nuhignu aoglag.

Aisaia 22:23 Referans Kwoze

Job 36:7

Nug genab tutukku hak danab hanhan dabmadatte. Ao, Nug he, ag king ele sia kingppa daan, ag danab okkai hanhan daatteb.

Esra 9:8

Amge gemuib, haen tutu imuppaib, na Yawe, ihinig Kayak, na ii helom bia me, na hee, ig oɗo yaak daattem ele, ig daatta, na ig nuhig mettid lag guguittak ena daagnignu ib mekkae, gemu ig danab laa waappa daattem, amge ig bau daatta, naunab nau ii daattem amunu, O ihinig Kayak, na hee, ig daagnignu elelebia doottem.

Sekaraia 10:4

Amu Juda buɗubppanu laa nug lagnu men anuqak daakkunu bekku. Nug buɗubppanu laa nug peh lagnu pin elab anuqak daakkunu bekku. Nug buɗubppanu laa nug bannu lat anuqak daakkunu bekku. Nug buɗubppanu ikki danab oh ele bekkulag.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Esta 10:3

Mordekai Juda ted, wan amu dilagnu gumak danab ba, ɠagattag okkainab ele dayaya, King Ekserksis nukka waappa dayom. Nug am Juda oolagppa danab naɗi, binag okkai ele; ag nuhignu ena doon, binag meppig. Nug danab ah nuhikkud ena daaglagnu uɗat heum, amu nug ag ehanadkkunu haenppa nai mattiom.

Esta 4:14

Aɗinu? Haen inamppa na oɗen qamutna daappe amu, laa nug geha heeb, laa nug Juda ehanatteb, ag oh ii mauhmana, amge na, na mamen baekkudppa ele, ag geha mauhkkulag. Am laa ii dootte, amge na haen imuppa king laugppa daattemnu diig am, na ig Juda ehanigkkutnu anam bemetai,” awa aum.

Aisaia 22:24

Ge, nug nuhig uɗat am uug ele, amge nug elele heeb ukkeb, nug baekkudppa oh, laa onig iittanab ele amu, geha ag oh nuhig haknu binag amahlak oppiaawak ele aoglag.

Aisaia 22:25

Haen amuppa pin elab tatam ɠagattag dayom amu, geha uhuqa auta, na qekku. Ag nuhigppa aihna uug medappig, ag geha nauhkkulag. Yawe Nukka Ɠagattag Oh Ele, Nug anam mattiom daatte amunu, am anam bekku.” Aisaia nug Kayak oɗe Sepna amegppa anam aum.