Aisaia 21:17 - Nobonob Baibel

¹⁷ Kedar ag ban danab ɠagattag; ag latppa ban haknu ag doon autna aotteb, amge geha ag nauhppeg, ban danab ameg nakokib daaglag.” Aɗinu? Yawe, Nug Israel dilag Kayak, Nug anam awa atte.

Aisaia 21:17 Referans Kwoze

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Matyu 24:35

Hab wan ele am iitta mekkulah, amge nai dahil am iitta iinab mema.

Jeremaia 44:29

Amu Yawe Nug imu ele atte. “Da bu matten, aɗi uug laala ahilagppa bekkunu appi, amu aakku bekku dooglagnu da bu okkai ag madakkul. Amu da ag genab Isip wan imuppa bu okkai ag madakkul dooglagnu, da at imu ag mattai bette anidtteb, ag anam dooglag.

Sam 107:39

⌊Danab ah amu ag Yawe dim lamittak uun, nau heeg,⌋ ebqak ahilag honap neum. Yawe Nug he, laa ag uɗin eheɗ hattegeg, Nug he, ag uug naunab doyeg, kobol aɗi aɗi ahilagppa be, ag oo doyak okkai aoppig amunu, keeke amu oh ag onilag qeeg neum.

Jeremaia 49:28

Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.

Aisaia 31:2

Yawe Nug doyak dabmak ena ele. Nug heeb, uug naunab bekkunu elele. Nug aɗi keeke hekkunu dabma maditte, Nug mattiom amu aakku hette. Nug nai nuhig ii baolitte. Nug nau hak danab ah bu aqadkku. Ao, Nug danab ah ag eheɗ hak danab ehanatteg, ag eheɗ hetteb ele amu, Nug amu dilag oh Nug heeb, ag uug maon, padal mekkulag.

Aisaia 34:16

Na Yawenu buk itoɗiak laappa neegna, amuppa aɗi yaak daatte ebqe! Am inam. “Doɗ amu laa am appa daakkunu ii uuma. Ag ohnab ahilag ehanittak ele appa daaglag. Yawe Nug amu bekkunu Nug oɗeppa haknunab mattiom amunu, am anam bekku. Nuhig Ouɗi Nug doɗ amu oh aguppa qagmaadkku amunu, am anam daakku.”

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.