Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.
Aisaia 21:16 - Nobonob Baibel16 Amu Naɗi Nug da amelppa inam aum. “Danab ah Kedarnu ⌊amuam Arebia danab ah⌋ ag binalag am geha iitta mekkunu maɗ laippu daatte. Maɗi nid nug uɗat hekkunu tituanak waappa dayaya, haen amu malakkunu deɗ laib laib tutukku elelenab ebqette, amubia maɗ da geha iikku amunu na amenppa ami, maɗ amunu deɗ amu maleb, geha keeke amu oh bekku. Gade chapit la |
Aisaia 21:16
11 Referans Kwoze
Nug anukka anam mattiom, amge gemu Yawe Nug eɗua baula atte. “Moap am wan imuppan wan laa, am wan onig ele, amge maɗ ewam uueb, uɗat nid laippu laa nai qakkak waappa maɗ ewam dayaya, nug haen ebqette, haen amu bianab maɗ ewam uueb, Moap wan, danab ah nuhikkud ele oh ag geha uɗa nak eheɗ aoppeg, danab ah laa geha ag anidna, ag Moap danab ah dilagnu ena iinab doomna. Moap danab ah ag laib laib geha daaglag, ag geha ɠagattag iitta,” awa atte.
Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.
Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!
Piblisite