Aisaia 20:5 - Nobonob Baibel

⁵ Anam beeb amu, danab ah laa ag Kus dilagnu oolagppa genab dooppig, ag Isip binalag meppig amu, ag geha keeke uug ele amu beeb anidna, ag geha baɗan, uɗalag nekku.

Aisaia 20:5 Referans Kwoze

Aisaia 30:3

Ag Isip dabmedatteb, amge Paronu ehanittak am genab ii ehanadma. Iitta! Ao, ag ehanittak amu aoppeg heeb, ag uɗalag nekku. Ge ag Isipnu ehanittak aoppeg heeb, ag uɗa nak nau guittak ele dooglag.

1 Korint 3:21

Nai amu aakku daatte amunu, danab laa nug danab binalag aib meum. Genab, keeke oh am ag ahilagnu daatte.

Jeremaia 17:5

Yawe inam atte. “Laa nug danab dilag ooppa genab dootte, nug ɠagattag, danab dilagppa aokkunu dabmette, nug da, Yawe, nug da dimeɗa ii dim lamiɗtte amu, nug aakku eheɗ laa awaknu anak waappa daatte.

2 King 18:21

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat amu, anambia daatte,” ’ ” awa aum.

Aisaia 36:6

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat anambia daatte,” ’ ” awa aum.

Aisaia 30:7

Ag Isip gotteb, amge Isip nug ag ehanadkkunu elele iittanab iitta. Isip nug anam daatte amunu, da Isipnu, “Nug am doɗ beɗu okkai okkai, amge gai-iitta daatte,” attem.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Aisaia 36:9

Ag am elele iitta. Ag Isip ag daup bannu karis attan daan ban hetteb, daup ag hos attan daan ban hetteb ele maadppeg uɗin, ehanittak mattaglagnu dabmetteb, amge amuppa ag ehanittak ii aomna amunu, ag Asiria dilag ban daup ikki laa, nug Asiria dilag ban daup ikki oolagppa nakok daatte amu, ag nug eɗidkkulagnu amu, ag attem hena eɗidkkulag? Iitta.

Aisaia 37:9

Amu Isip dilag king onig Tiraka, nug Kus danab, nug Asiria ele ban hekkulagnu dabma uɗieye, Asiria dilag king Senakerip nug amu doya, nug nai laa Hesekaia dookkunu, nug nuhig maɗi oiyak danab laala Hesekaia toppa gona, nai amu mettaglagnu maatte goppig. Nai ag Hesekaia mettaglag, nai amuam inam.

Jeremaia 46:25

Amu Yawe Nukka Ɠagattag Oh Ele, Israel dilag Kayak, Nug atte. “Isip dilag kayak hambuppuak laa onig Amon, aben nuhig am Tebes amu, da nug, Isip dilag kayak hambuppuak laa, aria Paro, Isip danab okkai, Isip danab ah, amu laa Paronu ehanittak aoglagnu dabmetteb ele amu, da haen elab iitta, da amu oh bu madakkul.

Esekiel 29:16

Da amu heppi, Israel ag baula Isip ag ehanadkkulagnu ii dabmemana. Ag Isip appanu ehanittak aoglagnu ii dabmekkulag, amge ag Isip ɠagattag iitta anidnana, ag anukka hipunin hena, da uuiɗna, Isip appa ehanittak aoglagnu dabmeppig amu, ag amu dabmenana, ag, ‘Ig kobol amuppa hipunin hemut,’ doon oiglag. Keeke amu oh anam beeb amu, ag dooglag, da am Naɗi Yawe.” Yawe Nug anam atte.

Nahum 3:9

Kus wan, Isip wan ele aab Tebes ehanitteh, Tebes aab am ɠagattagnab dayom. Put wan, Libia wan ele nug ehanidpiɗ.

Sepanaia 2:12

Yawe Nug atte. “Ag Kus daatteb amu, da ag dahil qep elabppa bu madakkul,” awa atte.