Aisaia 2:6 - Nobonob Baibel6 ⌊O Yawe,⌋ na nahipad danab ah, ag Jakop buɗub amu, na ag uuadna dimattame. Aɗinu? Nahipad danab ah ag danab ah aam bedeppanu dilag dabmak hambuppuak aoeg, ahilagppa ambeum. Ao, danab ah nahipad ag Pilistia danab ah dilag eman hak kobol aon, ag amu hetteb. Ag danab ah Yawe ii dim lamidtteb ele laippu oinna hetteb. Gade chapit la |
Aisaia 2:6
31 Referans Kwoze
Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.
Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!
Anam amu, haen laa Kayak Ouɗi Nug mana mettak danab Jehoiada bekka Sekaraia, nuhigppa uɗia, nug danab ah noolagppa hibaitta, inam aum. “Kayak Nug inam atte. ‘Aɗinu ag Yawenu haknunab nai ii dim lamidtteb? Ag anam henana, ag ena ii daamna. Ag Yawe uun oitteb amunu, Nug ele ag uuatta oitte,’ ” awa aum.
Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.
Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.
Am aun nug danab ah oolagppa, dahilnu ooppa genab ii doya, nug mauhak ele gamag danab, mauhak ele mattiak danab ele dabmadatta dim lamadkkunu gumatta gokku, nug amu dilag kobol digdig ele dim lamidkku dayeb amu, da geha danab amu eheɗ hedakkulnu doyeye dayen, da heppi, nug Israel oolagppanu geɗittak daakku.
Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.
Nug anam kalam eblaih aɗit ele dayeye, Pilistia danab ag ahilkad mana mettak danab, amu ahilkad eman danab ele, ag ag onilagppa eeg, ag uɗieg, Pilistia danab ag appig. “Yawenu Tituanak Nainu Kunup amu, ig Tituanak Nainu Kunup amunu attem hekkunig? Ig aɗi keeke Tituanak Nainu Kunup amu ele mepput, nug eɗua, nuhig abenppa gokku?” aon appig.
“O ag Pilistia danab ah oh, king laa nug uug matte, ag uug maoppig amu, nug aakku iitta meum, amge diig amunu ag Pilistia ag amunu aib gamalag ahom. Aɗinu? King amu buɗub, nug mameg nau ahilagppa heum amu, buɗub amu nug nau hak amu eɗittak, naunab hadakku. King mauhom ele nug am mat nau, danab emaleb mauhkku, o iitta ehanittak awa, ii mauhma, bau daakku bia dayom, amge nug buɗub am mat nau, danab emaleb, laippun, pahanab mauhkku aakkuib, amubia daakku.
Piblisite