Aisaia 19:6 - Nobonob Baibel

⁶ Haen Nil le qaɗaiettebeb, le ippu naunau eppelagppa heppig ele qaɗaiedappeg, leppanu keeke oh mauhadppeg, uɗig okku. Isipnu le nag laa ele qaɗaiedappeppeg ukkeb, qaɗaiettaglag. Qaɗaiedappeg, gikkiɗah, qao ele le daugppa daatteb am ele bunaɗkkulag.

Aisaia 19:6 Referans Kwoze

Aisaia 37:25

Da wan digdigppa, anukka ag am dahil wan iitta, da appa le moɗ awen, le amuppanu lami. Da hei, Isip wanppa le naunau qaɗaiedappig.’ Na anam ame.

Job 8:11

Papairus ɗuppa ii daakku dayeb amu, nug ena bekkute? Ge, qao nug le ii daatteppa ena bekkute?

2 King 19:24

Da wan digdigppa, anukka ag am dahil wan iitta, da appa le moɗ awen, le amuppanu lami. Da hei, Isip wanppa le naunau qaɗaiedappig.’ Na anam ame.

Eksodas 7:18

Amu kakai Nil leppa geha mauhppeg, le uɗig nau ob, am geha Isip danab ah ag le amu lakkulagnu elele iitta.

Eksodas 2:3

Amge kalam ewam uue, haen nug nid amu lokkumeb daakkunu am elele iitta antta amu, nug kaleg laa papairusppa akkak, nug amu laa awa, nug gau hinqak ɠagattag diig aɗit awa, laittom. Laittowa, nug nid awa, kaleg ooppa ina, nug awa noa, Nil le daugppa qao ooppa me dayom.

Aisaia 15:6

Qanaknu diig laa amu ⌊kekeɗ ag heppeg,⌋ lenag Nimrim ituak daya, nauhak daakku. Aria laa amu, ⌊le daugppan⌋ gikkiɗah bunaɗeb, keeke laa oh ⌊le daugppa⌋ wanppa beum amu, keeke amu ele iitta mekku. Ao, ⌊le daugppan⌋ keeke oh am bunaɗadna malaglag.

Genesis 41:2

makau eblaih aɗit ele leppanu bena, le daugppan gikkiɗah laegeg anattom. Makau amuam ena, teppulag ele.

Nahum 3:8

Niniwe danab ah, ag aab Tebes, le Nil daugppanu, ag aab amunu danab ah eɗadttebte? Le aab amu oh talilitta dayom. Appan danab ah ag, “Le Nil am ihinig guppiɗ daatte,” aon adappig. Ao, ag, “Le amuam ihinig aɗ daatte,” aon appig.

Job 8:12

Le daugppan keeke amubia amu, le iitta me, ag paha nauhtteb. Ge, gikkiɗah am nakok haen elab wan qaɗaiettakppa daakku, amge ɗuppan keeke, o le daugppan keeke am anam iitta.