Aisaia 19:5 - Nobonob Baibel

⁵ ⌊Amu Isip he nauhak haenppa amu, Yawe Nug heeb,⌋ geha Nil le am noa ukka, iitta mekku. Le iitta meeb, wan ba, wan qaɗaietta autanab aokku.

Aisaia 19:5 Referans Kwoze

Jeremaia 51:36

Anam amunu, Yawe Nug atte. “Ag Juda, ag antteg! Babilon ahilagnu eheɗ heppig amunu, da ag Juda, da ag ehanadkkul. Da Babilon uug naunab madakkul. Da heppi, Babilon dilag le okkai am qaɗaiedakku. Ao, da heppi, le Babilon ag appa le lanaknu aotteb amu, le amu ele qaɗaiettaglag.

Esekiel 30:12

Da heppi, Nil lenu lenag oh qaɗaiedappeg, Isip wan am eheɗ hak danab eppelagppa daakku. Da heppi, wan laihnu danab ag Isip wan heppeg nauhaknab dayeb, keeke oh Isip wanppa daatte, amu ele nauhakib daakku. Da Yawe, da aakku ain malami,” awa atte.

Sekaraia 14:18

Isip danab ah ag Pehppa Dayaknu Hobul gamag ahak ele hekkulagnu uun ii gokkulag dayeb amu, Yawe Nug wanppan wan laala danab ah ag Peh Dayaknu Hobul gamag ahak ele hekkulagnu uun, Jerusalem ii teppeg, ag bu madakku amu, Nug bu amuib, ⌊am gu appa ii nema,⌋ nug bu amu Isip ele madakku.

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Job 14:11

Le gottu qaɗaiedatte; o iitta, le laa qaɗaiette, le amun ippu ele qaɗaietta aut auta awak daatte,

Aisaia 15:6

Qanaknu diig laa amu ⌊kekeɗ ag heppeg,⌋ lenag Nimrim ituak daya, nauhak daakku. Aria laa amu, ⌊le daugppan⌋ gikkiɗah bunaɗeb, keeke laa oh ⌊le daugppa⌋ wanppa beum amu, keeke amu ele iitta mekku. Ao, ⌊le daugppan⌋ keeke oh am bunaɗadna malaglag.

Aisaia 23:11

Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Aisaia 37:25

Da wan digdigppa, anukka ag am dahil wan iitta, da appa le moɗ awen, le amuppanu lami. Da hei, Isip wanppa le naunau qaɗaiedappig.’ Na anam ame.