Aisaia 19:25 - Nobonob Baibel

²⁵ Yawe Nukka Ɠagattag Oh Ele, Nug ag itittak ena inam madakku. “Isip danab ah, ag am danab ah dahilad, Asiria danab ah, da ag hattami, Israel danab ah amu, ag dahiladnab daatteb. Anam amu, ag oh ag itittak ena aon malappig,” awa ana itittak ena madakku.

Aisaia 19:25 Referans Kwoze

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Sam 115:15

Yawe, Nug hab, wan ele heum amu, Nug ag itadkkunu ool daatte.

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

Aisaia 61:9

Wan atu ohnu danab ah ag dahilad danab ah buɗulkad dooglag. Ge, wan atu ohnu danab ah ag dahilad danab ah dilag menuattak dooglag. Ag amu dooppeg, aun aɗi ag dahilad danab ah buɗulkad anadna amu, ag inam dooglag. ‘Danab amu ag Yawenu danab ah. Yawe ag itittak ena mattom.’ ” Yawe Nug anam atte.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Namba 6:27

Amu Yawe Nug aum. “Aron bekkod ele ag anam hena, amuppa ag da onil Israel danab ah dilagppa mattaglag, amu da ag itittak ena madakkul,” awa aum.

Namba 6:24

‘Yawe Nug itittak ena matta, ehanattebeb, ag enaib daaglagnu,

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Aisaia 65:23

Ag uɗat hamu ii hemana; am meu okku. Ag nid ahilkad uugppa daaglagnu ii menuadmana. Aɗinu? Da Yawe, da itadkkul. Da ag, ag buɗulkad dimppanu ele, da ahilagnu ele anam hekkul.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Aisaia 45:11

Amu Yawe, Nug am Israel dilag Kayak Oppiaawak Ele, Nug he, Israel ag huu laippuppa daatteb, Nug kobol amunu inam ele atte. “Da butti aɗi dahilad nid dilagnu attem heppi amu, ag da amunu, ‘Amuam ena iitta. Na inam helom am ena,’ akkulagnu ib iitta. Ao, da dahilad nid dilagnu attem hettem amu, ‘Na inam he!’ akkulagnu ib iitta. ⌊Ag hekkulag dayeb amu ag hambuppun hekkulag.⌋

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Rom 3:29

Amu attemu? Kayak Nug am Juda dilagib Kayakte? Nug iitta aɗi dilag Kayak ele iite daatte? Yo, Nug am iitta aɗi dilag Kayak ele daatte.

Namba 24:1

Aria, Yawe Nug haen aɗit kobol heum dimppa Balam nug doyom, Yawe Nug Israel itittak ena madakkunu ena doyom. Balam nug amu doyom amunu, nug tatam haen aɗit piɗe ukka, eman hak kobol heum bia baula ii heum. Iitta. Nug atu taɗakppa, Israel ag daappigppa neekke ukkom.

Aisaia 19:24

Haen amuppa amu, Israel, Asiria am Isip ele, kantri ewam amu oh ag laippu daan, laa am laa ii eɗidma. Ag anam daappeg, wan ohppan danab ag ahilagppa itittak ena aoglag.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Sekaraia 8:13

O Juda danab ah, Israel danab ah ele, wan laappan danab ag, ag laa nug eheɗ laa awaknu anak waappa daakkunu anana, ag, Juda danab ah, Israel danab ah ele ag eheɗ nau aoppig, amubia na ele eheɗ nau am awe! appig. Ag anam appig, amge da ag Juda danab ah, Israel danab ah ele ehanadppi, ag padal ii mena, enanag daappeg, wan laappan danab ag akka akka nug amegppa nai mattina, Juda danab ah, Israel danab ah ele ag itittak enanag aoppig bia, na ele amu awe! aon akkulag. Anam bekku amunu, ag ɠagattag dayeg! Ag aib baɗappig, Ag ahan, Kayaknu mettid lag babaitteg!” Yawe Nug anam atte.

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.