Aisaia 19:22 - Nobonob Baibel

²² Yawe Nug heeb, geha oɗe nau danab kuɗum aqe mauhtteb ele Isip danab ah aqakku, amge Nug anam hewowa, Nug heeb, ag eɗun ena daaglag. Ag oolag eɗueb, ag eɗun, Nug waappa daappeg, nug ahilag unuqittak doya heeb, ag eɗun ena daaglag.

Aisaia 19:22 Referans Kwoze

Hibru 12:11

Danab nug ena bekkunu tolitta, bu qak aotte ele amu, haen nug aotte danab amu nug maɗoɗppan gamag ahak ii dootte. Iitta. Nug ooppa guittak dootte, amge Kayak Nug danab amu nug ena bekkunu uɗat amu ha male, danab aun nug tolitta bu qak amu pehettak aotte ele amu, nug genab tutukku hak kobol dim lamitta oiyaya maɗoɗ ele daatte.

Hosea 14:1

O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Job 22:23

Na eɗun, Laa Nukka Ɠagattag Oh Ele dim lamidkkut dayeb amu, Nug heeb, na ena daakkut. Na nakka na awaidna, hak nau ii hena, na lautppa ele hak nau ii daamanu hena,

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Aisaia 57:18

Da dahilad danab ah ag attem hena oitteb amu, da antten malami, amge da heppi, ag eɗun, enaib daan oiglag. Da ahilag ulum aɗen, da oo mak ag madakkul.

Esekiel 29:13

Anam, amu diig amunu Naɗi Yawe, Nug inam atte. “Maɗ 40 amu iitta meeb, haen amuppa da heppi, Isip danab ah ag wanppan wan laalappa matatun gona daappig amu, da heppi, ag appanu eɗun, Isip wanppa uɗin daaglag.

Eksodas 8:4

Og ag geha oolna, na beɗunppa, amu nahipad ehanittak anuqak danab beɗulagppa, am nahipad danab ah beɗulagppa ele tekkulag,” ’ ” awa aum. ⌊Yawe Nug Moses amegppa anam a, nug Paro gumitta ukka, nug anam aum, amge Paro nug nai amu dab-ii-mettom.⌋

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.