Aisaia 19:2 - Nobonob Baibel

² Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Aisaia 19:2 Referans Kwoze

Ikki Danab 7:22

Haen 300 Israel danab ag ahilkad trampet iwaleg amu, Yawe he, ban danab haen tutu dayaknu aab kalak ooppan, ag akka akka qep elabppa nug qeppig. Laa ag ii aqappig ele amu, ag oolna goppig. Ag oolna, Betsita, Serera guguittak appa goppig. Appanu amu, ag Abel Mehola tomppa goppig. Abel Mehola amu Tabat guguittak daatte.

1 Samuel 14:20

Anam ukke, Saul he, nuhikkud daup oh ag qagmeeg, Saul ag ele oh ban hekkulagnu goppig. Ag gona, Pilistia ag kaaka aqe, ag akka akka qep elabppa nug qena aqaegeg anidppig.

Matyu 10:36

Danabnu kekeɗ ag nug baekkudppan danab ah daaglag.

Matyu 12:25

Aeg amu Jesus Nug ahilag dabmak doya, Nug ag amelagppa aum. “Ɗo maɗoɗ laippuppan danab ag ahan oppatna, ameg aɗit bena nug qekkulag amu, wan amu nug elele iitta, ɠagattag ii daama. Amu ele, aab okkai laippuppan o baekkudppa laippuppanu ag oppatna, ameg aɗit bena, nug qekkulag amu, aab okkai o baekkudppa amu nug ena ii daama.

Matyu 10:21

Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag.

Esekiel 38:21

Amu Naɗi Yawe Nug atte. “Haen amuppa Gog, nuhikkud daup ele ag Israel wan tonan daaglag, am haen amuppa da heppi, Israel wan ohppa Gog, nuhikkud ele ag qep-ppa akka akka qep elabppa nug qenan nauhkkulag.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

1 Samuel 14:16

ag oolegeg, Saulnu daup ag kekeɗ maadkkulagnu, Benyamin wanppa aab onig Gibea, aab amu guguittak daappig, ag Pilistia dilag daup oolegeg anadna,

Ikki Danab 9:23

Kayak Nug ouɗi laa, hak eheɗ ele uuitte, nug he, Abimelek, Sekem danab ah ele gamalagppa oo aeg bak be, Sekem danab ah ag Abimelek waappa daaglagnu uun, nuhig nai tappaeg neum.

Matyu 24:7

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu enug haen okkai nebeppeg, mim ele nekkulag.

Jeremaia 46:12

Wanppan wan laappan danab ah ag ahilag uɗa naknu dooglag. Ag Isip, ag ahilag gayak baag am wanppan wan ohppa dayebeb dooglag. Aɗinu? Ahilag daup ag oolnana, nug ehanittaknu ii dabmenana, laa nug paha gokkunu haaha, layag ibppa daatte ii dabmedatta, layag baegppa qeeb, aa oh neya qekkulah.” Yawe Nug anam aum.

Jeremaia 51:46

Ag Yawe amu hekkunu ameg menana, ag maɗ laappa ulah nai, “Babilon wanppa nug qak naɗi daatte,” dooglag. Maɗ laappa, “Babilon dilag okkai nug okkai laa umu eɗidkkunu hette,” dooglag. Ag anam anam aakku dooglag, amge ag ulah nai amu doon, ag aib ottaippig, aib baɗappig.

Sekaraia 8:10

Haen, ag dahil lag bappaidkkulagnu ii digmeppig, haen amuppa danab laa nug uɗat ha, men doɗo aokkunu, o laa nug doɗ nuhig laa eppegppa meeb, uɗat medatta, doɗ mameg men doɗo medakkunu ib laa ii dayom. Kekeɗ kuɗum daappig amunu danab laa maɗoɗ ele oikkunu elele iitta; guittak aokkunu am miagib. Layag nug layag ele nug qak huanak ele dayom.

1 King 16:21

Simri nug mauhe, haen amuppa Israel danab ah ag oppatna, ameg aɗit bena, huu ameg laa ag am Ginat bekka Tipni, nug ahilag king daakkunu oolag dayom. Ameg laa ag am Omri, nug ahilag king daakkunu oolag dayom.

2 Stori 15:6

Amu Kayak Nug he, uug nau digdig wanppan wan laalappa beppig amunu, wan laa ag ahan, wan laa eɗadna, heeg nauhppig. Aab okkai laappan danab ag ahan, aab okkai laappan danab heeg nauhppig.

Aisaia 3:5

Am danab anen anen ag lailkad dilagnu oo doyak iinab doomna. Iitta! Danab laa nug layag gai-iitta ele, nug nuhigppa eheɗ hekku. Danab laa am danab laa ele nug qekkulag. Ao, ag anen anen ag lailkad, mudippan laippu, eheɗ hattaglag. Nid bau ag danab kaino dilagnu, ag am binalag ele ii doona, ag oɗelag ii dim lamidmana. Amu danab laa ag dabmak nau beɗulagppa ambak ele, ag am danab dabmak ena ele, ag amu dilagnu ag binalag ele ii doona, aon aon aqaglag.

Mak 3:24

Ɗo maɗoɗ laippuppan danab ag ahan oppatna, ameg aɗit bena, nug qekkulag amu, wan amu nug ena ii daama.