Aisaia 19:13 - Nobonob Baibel

¹³ Soan aab okkaippan danab okkai ag am dabmak iitta ele. Mempis huunu ikki danab ag am dabmak hambuppuak dim lamidtteb. Isip danab okkai amu ag Isip danab ah ib ena ippunadkkulagnu daatteb, amge ag ib nau amuppa omaladppig.

Aisaia 19:13 Referans Kwoze

Esekiel 30:13

Amu Naɗi Yawe Nug inam atte. “Da heppi, kekeɗ ag heppeg, Isip appa kayak hambuppuak dottolkad nauhkkulag. Ao, Mempis appa da heppi, kayak hambuppuak dottolkad ii daamna. Isip appa, ahilag okkai laa nug ag gumadkkunu ii daama. Amu da heppi, Isip danab ah oh ag baɗaglag.

Jeremaia 2:16

Ele amu, danab aab okkai Mempisnu, Tapanesnu ele, ag heeg, ag Israel ag gemu binag amahlak oppiaawak ele nakok laa iitta ele daatteb.

Sekaraia 10:4

Amu Juda buɗubppanu laa nug lagnu men anuqak daakkunu bekku. Nug buɗubppanu laa nug peh lagnu pin elab anuqak daakkunu bekku. Nug buɗubppanu laa nug bannu lat anuqak daakkunu bekku. Nug buɗubppanu ikki danab oh ele bekkulag.

Jeremaia 46:19

Laa uɗikku amu, nug heeb, ag Isip ag ahilag aab okkai Mempis am nauhakib daakku. Aab amuam nauhakib dayebeb, danab o ah laa appa ii daama amunu, ag Isip ag diia ukka laih me dayak danab ah wan laappa daaglagnu ag keeke laippu laippu aon gokkulagnu battamppa ineg!’ ” awa aum.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

Rom 1:22

Amu ag hibguitta hena, inam appig. “Ig am doyak dabmak ena ele,” appig, amge ag danab nug Kayak dab-ii-maama ii dim lamidtte elenu kobol dim lamitte,

Esekiel 30:16

Da heppi, Isip wan oh eokku. Pelusium danab ah ag guittak nau, eheɗ aoglag. Kekeɗ ag Tibsnu aɗ heppeg nauhkku. Mempis danab ah ag baɗak eheɗ nau doon daaglag.

1 Samuel 14:38

Kayak Nug nai laa ii aum amunu, Saul nug aum. “Ag ban daup ikki danab daatteb amu, ag oh uɗieg! Ig hettoɗitta, aun nug gemu aɗi hipunin heum amu, ig anidtu!

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Jeremaia 44:1

Yawe Nug Jeremaia, Juda danab ah Isip daappig dilag nai laa imu ele mette doyom. Juda danab ah amu laa ag Isip ooppa aben laa yawalti uɗitteppanu daatte, ag aben amuppa aab onilag Mikdol, Tapanes, amu Mempis ele amuppa daaegeg, laa ag Isip ooppa aben laa yau uɗitteppanu daatte, ag aben amuppa daappig. Nai Jeremaia nug ahilagnu doyom am inam.

Esekiel 30:14

Da heppi, kekeɗ ag heppeg, Isipnu wan laih, Patros, am nauhakib dayebeb, ag aab Soan amotppeg, ewa iitta mekku. Laa amu, da heppi, kekeɗ ag heppeg, Isipnu aab okkai Tebes bu medappeg, am ele nauhkku.

Hosea 9:6

Aɗinu? Antte! Asiria ban danab ag laala ii aqaglag dayeb amu, geha Isip ag diiglag. Ao, Isip ban danab geha ag diin gona, Mempis maadppeg, appa ag mauhppeg boumadkkulag. Ag geha ippa ahilag wanppa ii daamna, geha uud keeke qaun ele bena, ahilag en, silwappa hak, teguadkkulag. Ao, keeke qaun ele geha ag laulkadppa bekkulag.