Aisaia 19:11 - Nobonob Baibel

¹¹ Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Aisaia 19:11 Referans Kwoze

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Aposel 7:22

Anam he, Moses nug okkai ma amu, Isip dilag doyak oh doya malowa, nug danab, nuhig nai mattiak amu nuhig uɗat ele am ɠagattag, anam dayom.

Aisaia 30:4

Amu Juda dilag nai awa ukkak danab ag ⌊Isipnu ehanittak aoglagnu gona,⌋ Isip dilag aab okkai aɗit onilah Soan amu Hanes ele, ag appa tena daatteb. Ag appa daatteb, amge Isip danab ag ib laippuppa Juda nakok laa ehanadkkulagnu elele iitta amunu, Juda danab ah ag Isipnu ehanittak genabnab genab iinab aomna. Iitta. Ag uɗa nak nau guittak ele aoglag. Isip ag ehanittak Juda ii mattamna. Iitta. Ag uɗa nak mattaglag.” Yawe Nug anam atte.

Sam 78:43

Nug nuhignu dabmettaknu kobol danab haknu elele iitta kuɗum uppa Isip heum ele amu, ag amu dab-ii-meppig. Ao, wan atu Soannu, appa Nug keeke danab haknu elele iitta heehe anidppig amu, ag amu ii dabmeppig.

1 King 4:30

Solomon nug doyak, dabmak ena ele amu okkainab, aam bedeppanu doyak dabmak ena ele danab, amu dilag doyak oh eɗitta, Isip dilag doyak dabmak ena ele danab, amu dilag doyak oh ele eɗittom.

Sam 78:12

Ag mamelkad aɗi ag anttegeg, Nug keeke danab haknu elele iitta kuɗum heum. Ao, uppa Isip wanppa, wan atu onig Soan talilittak, appa Nug keeke danab haknu elele iitta kuɗum heum.

Esekiel 30:14

Da heppi, kekeɗ ag heppeg, Isipnu wan laih, Patros, am nauhakib dayebeb, ag aab Soan amotppeg, ewa iitta mekku. Laa amu, da heppi, kekeɗ ag heppeg, Isipnu aab okkai Tebes bu medappeg, am ele nauhkku.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

Jeremaia 10:21

⌊Jerusalem danab ah ag oɗelag oohob, anam akkulag amunu, da, Jeremaia, da inam ami.⌋ “Aɗinu laa anam ii daama? Sipsip gumak danab nug dabmak pehettak ii aotte, sipsip mauhnoak gumadtte, sipsip ag matatun gona oitteb, amubia Juda dilag gumak danab ag dabmak iitta. Ag Yawe Nug ulum nai madakkunu oɗ ii medatteb amunu, ag ena ii heegeg, Juda danab ah ag eheɗ daatteb.

Jeremaia 10:14

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Aisaia 19:13

Soan aab okkaippan danab okkai ag am dabmak iitta ele. Mempis huunu ikki danab ag am dabmak hambuppuak dim lamidtteb. Isip danab okkai amu ag Isip danab ah ib ena ippunadkkulagnu daatteb, amge ag ib nau amuppa omaladppig.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Prowerb 30:2

“Da doɗ bia daattem. Laa ag ele doɗ bia daatteb, amge da anam daye aute autenab aottem. Laa ag danab daan, diignu doyak tutukku aɗan oitteb, amge da amubia ii aɗattem.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 73:22

haen amuppa da kobol kaaka, doyak iitta ele hemi. Ge, da doɗ, dabmak iitta ele, amubia daami.

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Job 12:17

Kayak he, kekeɗ ag wan laa eɗidna malan, wan amuppan ulum mettak danab ag wan amunu okkai danab ulum medappig ele, ag kekeɗ amu eppelagppa daaeg, kekeɗ ag danab amu beɗulag miag diin gotteb; Kayak he, epeɗiak danab ag ahilag nai maditteb, amge nai amuam kaaka nai miag atie, laa anidtteb.

Jeremaia 8:9

Danab ag akka, “Ig doyak dabmak ena ele aɗattem atteb,” amge ag da, Yawe, ag dahil nai geɗidna, ii dim lamidtteb, ag am doyak dabmak ena ele genab am iitta. Ag amu hetteb amunu, ag uɗa nak nau aoglag. Ag oo uug nau qak doon, ag doɗ pelemppa teum daatte, ag amubia daaglag.

Jeremaia 46:17

Ag gona, appa tena, ag akkulag. “Isip dilag king Paro, nug oɗeppaib mattiak danab; keeke laa ii hette. Nug keeke hekkunu haen dayom, amge nug ii heum,” ’ aon akkulag.” Yawe Nug Jeremaia amegppa anam aum.

Esekiel 28:17

Na beɗun ohppa keeke anttaknu eheɗ laa ii dayom amunu, na nakka, nahipnu enanag doome; na dada danab bena daame. Ao, na binan nahip okkainab ele dabmena, na doyak dabmak ena ele nahip hee, kaliak dayom. Na anam heme amunu, da buɗitti, wanppa nome. Ao, da hei, na king laa noolagppa keeke hamu bia daye, ag na aon aon nidappig.

Obadaia 1:7

Danab wan atu laihnu ag ehanadkkulagnu ag ele nug tituanak heppig amu, ag wagai mena, ag ag Edom, ag ahilag wanppanu lamadkkulag. Ag lailkad ag ag hambuppualadna, ag eɗadkkulag. Ag lailkadnab bia, ag ahilag ee latteb amu, ag ahilagnu pelem laa mekkulag; amge ag Edom, ag amunu nakok laa ii doomna.

Eksodas 8:4

Og ag geha oolna, na beɗunppa, amu nahipad ehanittak anuqak danab beɗulagppa, am nahipad danab ah beɗulagppa ele tekkulag,” ’ ” awa aum. ⌊Yawe Nug Moses amegppa anam a, nug Paro gumitta ukka, nug anam aum, amge Paro nug nai amu dab-ii-mettom.⌋

Eksodas 8:14

Isip danab ag og mauhadppig amu, ag akkan, aben laalappa ameg ameg qagmatteg daanna, beɗatteg, uɗig nau ahom.

1 King 5:10

Aakku ib amuppa amu, Hiram nug Solomon oo dayom bia ad sida, ad pain ele awa mettom.

Obadaia 1:8

Haen amuppa da, Yawe, da heppi, kekeɗ ag danab doyak dabmak ena ele oh ag Edom wanppa daatteb aqappeg mauhkkulag. Ao, da heppi, ag danab oh ag diignu doyak tutukku ele Edom wanppa daatteb, ag Esau buɗub amu, ag mauhna, iitta mekkulag.