Aisaia 19:1 - Nobonob Baibel

¹ Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 19:1 Referans Kwoze

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.

Esekiel 30:13

Amu Naɗi Yawe Nug inam atte. “Da heppi, kekeɗ ag heppeg, Isip appa kayak hambuppuak dottolkad nauhkkulag. Ao, Mempis appa da heppi, kayak hambuppuak dottolkad ii daamna. Isip appa, ahilag okkai laa nug ag gumadkkunu ii daama. Amu da heppi, Isip danab ah oh ag baɗaglag.

Jeremaia 51:44

Am Yawe Nug atte. “Da Babilon dilag kayak Bel bu medakkul. Da bu medappi, nug aɗi aɗi toppua ukkom ele amu baheb, eɗua bekku. Gemu wan laappan danab huanak ag Bel noobppa dup nona binag mekkulagnu gotteb, amge da Bel bu medappi, danab ah ag amu ii hemana. Da heppi, Babilon aabnu aɗ na qekku,” awa atte.

Jeremaia 50:2

“Ag laa wanppan wan ohppa danab ah dooglagnu nai laa imu appeg doyeg! Ao, danab nug danab ah laa ag anidna, dabmak aon, at amu gumidna wakkulagnu nug pilak laa qabatte, ag anam hena, nai imu appeg doyeg! Ag nai huppu nakok laa aib uuppig! Ohnab appeg doyeg! Ag inam aig! ‘Kekeɗ ag Babilon eɗadppeg, Babilon ag eppelagppa daakku. Kekeɗ ag heppeg, Babilon dilag kayak Bel nug uɗa nekku. Babilon dilag kayak Marduk, nug baɗak eheɗ nau dookku. Babilon danab ah dilag kayak hambuppuak dottolkad am uɗa nak nau dooglag. Dottolkad amu, ag am baɗak eheɗ nau dooglag.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Sam 104:3

Nug bud oh eɗattak appag heum daatte. Ao, Nug bud he, nuhig oiyaknu karis daatte. Ge, Nug ulah eɗittak pahanab gotte.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Sekaraia 14:18

Isip danab ah ag Pehppa Dayaknu Hobul gamag ahak ele hekkulagnu uun ii gokkulag dayeb amu, Yawe Nug wanppan wan laala danab ah ag Peh Dayaknu Hobul gamag ahak ele hekkulagnu uun, Jerusalem ii teppeg, ag bu madakku amu, Nug bu amuib, ⌊am gu appa ii nema,⌋ nug bu amu Isip ele madakku.

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Jeremaia 25:19

Juda aɗi dimulagppa am da ⌊tuleglegppa⌋ Isip dilag king, nuhikkud ehanittak amu nuhikkud ehanittak anuqak danab, nuhikkud danab ah oh ele ag lakkulagnu mattami.

Aisaia 21:9

⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Aisaia 13:7

Yawe Nug geha anam hekku amunu, danab ah oh geha ebehilag gokkaɗa nekku. Ao, ag oh ag oolagppa ɠagattag iinab daamna.

Sam 104:34

Haen da Yawenu ool gamag ahehe, da keeke laalanu dabmak unuqag awewe daattem amu, Nug dahil dabmak amunu ena, elele dookkunu ool daatte.

Sam 68:4

Ag Kayaknu ahi etteg! Ag onig humeg! Ao, Kayak Nug lombig qaɗeppa dayaya gotte; ag baalag okkaippa nuhignu binag maknu ahi etteg! Nug onig am Yawe. Ag Nug noobppa gamalag ahaɗ!

Josua 2:24

Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Sam 18:9

Nug he, hab obate, Nug neum. Ao, lombig gatatunab ele Nug baeg waappa dayom.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Jeremaia 44:8

Ag eppelagppa kayak hambuppuak dottolkad bappaidtteb, amu ag Isip daanna oiglagnu uɗin daanna, ippa ag kalu danab ile muttuɗig enanag bette main, kayak hambuppuak madatteb. Aɗinu ag heppeg, da oppoɗi bak dookkul? Ag amu tuɗidna hekkulag dayeb amu, ag akka ag hena, ag beɗulagppa ag nauhkkulag. Anam beeb, danab ah wanppan wan laa ohppan ag anidna, ag aon aon aqan, ag eheɗ laa awaknu anak waappa daaglagnu akkulag.

Nahum 1:1

Nai imuam nai meunab ele, Niniwenu. Buk imu amu, Yawe Nug Elkos danab Nahum tuleglegppa ippunittom, am nai amu.

Nahum 1:3

Yawe Nug paha oo ii nauhtte, amge nuhig ɠagattag am okkainab daatte. Nug anam daya hette amunu, Nug danab eheɗ hetteb ele bu madakku. Nug ag uuatteb, bu ii awak ele iinab oimna. Ao, Yawe Nug oiyeye, ulah kilibob, ulah okkai laa ele oh ahatteb. Danab wan gappudppa oiyeye, baegppa gappud ahatte, lombig am anambia nug baegppa daatteb.

Namba 33:4

Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.