Aisaia 16:14 - Nobonob Baibel

¹⁴ Nug anukka anam mattiom, amge gemu Yawe Nug eɗua baula atte. “Moap am wan imuppan wan laa, am wan onig ele, amge maɗ ewam uueb, uɗat nid laippu laa nai qakkak waappa maɗ ewam dayaya, nug haen ebqette, haen amu bianab maɗ ewam uueb, Moap wan, danab ah nuhikkud ele oh ag geha uɗa nak eheɗ aoppeg, danab ah laa geha ag anidna, ag Moap danab ah dilagnu ena iinab doomna. Moap danab ah ag laib laib geha daaglag, ag geha ɠagattag iitta,” awa atte.

Aisaia 16:14 Referans Kwoze

Jeremaia 48:42

Moap ag da, Yawe, ag da waalppa dayaknu uun, da oɗel tappaeg neum amunu, kekeɗ ag heppeg, Moap am wanppan wan laa ii daama.

Aisaia 23:9

Yawe Nukka Ɠagattag Oh Ele, Nug nauhak amu bekkunu maittak awom. Maittak awom am, Taia danab dilagnu, danab ah laa ag ahilagnu, “Ag binag amahlak oppiaawak ele,” dootteb amu, Nug ag nena qeppeg, laa ag ahilagnu, ag am keeke hamu, dooglagnu heum. Ao, Nug huu laa, Taia, danab ah ahilagnu, ag onilag ele dootteb amu, Nug ag uɗa nak doon oiglagnu heum.

Aisaia 21:16

Amu Naɗi Nug da amelppa inam aum. “Danab ah Kedarnu ⌊amuam Arebia danab ah⌋ ag binalag am geha iitta mekkunu maɗ laippu daatte. Maɗi nid nug uɗat hekkunu tituanak waappa dayaya, haen amu malakkunu deɗ laib laib tutukku elelenab ebqette, amubia maɗ da geha iikku amunu na amenppa ami, maɗ amunu deɗ amu maleb, geha keeke amu oh bekku.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 17:4

Yawe Nug atte. “Haen amuppa am inam bekku. Israel binalag am iitta mekku. Ao, danab titiɗak nug oɗe ma, ebehi tette, amubia ⌊geha kekeɗ ag heppeg,⌋ Israel huu ag geha laippu laippuib daanna, ⌊ag binalag iitta ele daaglag⌋.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 7:16

Nug onig Imanuel ataɗkkunu diig am, nid nakok amu, nug okkai ii ma, kobol aɗi am kobol genab tutukku, kobol aɗi am kobol nau ele, nug amu ii doyebeb, haen amuppa king aɗit, Israel dilag king, am Aram dilag king ele, Ahas na king aɗit amu dilahnu gemu baɗak okkai doottem amu, geha haen amuppa wan ahilah nauhaknab, hamu daaglah.

Esta 5:11

amu Haman nug keeke kuɗum nuhignu, amu nuhig nid naunau kuɗum ele amunu amelagppa mattiaya, nugakka binag meum. Nug king nug, nug binag okkai metta, nug gumak uɗat aben attan, anuqak danab, kingnu ehanittak anuqak danab laa oh eɗattak nug mettomnu mattiom.

Duteronomi 15:8

Iitta. Ag keeke mettaknu oolag qak iitta ele, ag aɗi keeke aoglagnu genab daatteb amu, ag lon men matteg!

Genesis 31:1

Laban bekkod ag anam anidna amu, ag akka akka Jakopnu inam appig. “Jakop nug ig mamenignu keeke oh awom amunu, nug gemu enub kuɗum ele daatte,” aon appig. Ag anam aegeg, Jakop nug doyom.

Job 7:1

Ig danab ig wanppa daat oittem amu, ig heɗiag hetata ele iite daattem? Ge, ig danab wanppa daattem, ig uɗat ɠagattag, danabnu uɗat nid nuhig uɗat hette, ig amubia wanppa daatta, iite hettem?

Job 14:6

Na amu hettem amunu, na danab oh uuadppe, ag daappeg ukkeb, ahilag wanppa dayaknu haen iitta meeb gokkulag am ena. Danab nug laanu uɗat nid daya, uɗat haaha, tueb me, uɗat haen male lakka gotte, amubia uuadppe hekkulag am ena.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Aisaia 16:13

Nai imu amu, Yawe Nug anukka Moap wannu mattiom.

Aisaia 25:11

Moap ag am geha danab nug yu gamagppa padal memanu baɗa, yu ihippa langppa gokkunu wagai ma mutui ma gotte, ag amubia hekkulag. Ag geha keeke digdignu uug mawak nau amu eɗidkkulagnu hekkulag, amge Yawe Nug geha ahilag doyak, am ahilag ɠagattag ele tappeb nokku amunu, ag aɗi keeke laa ag ehanadkkunu hekkulag am geha ehanadkkunu elele iitta.