Aisaia 16:10 - Nobonob Baibel

¹⁰ Dad ooppa am nakok gamag ahak laa ii daama. Grep dad ooppa danab o ah laa ahi ii ettama, o laa oo gamag ahak doyaya ii ema. Grep meu tappa leppu awaknu abenppa, appa laa uɗat ii hema. Gamag ahak laa oh iitta mekku; ii daama.

Aisaia 16:10 Referans Kwoze

Jeremaia 48:33

Moap dilag dadppa, ad meu okkunu gamag ahak laa ii daama. Gamag ahak oh am iitta mekku. Da heppi, ag grep meu aon, wain hekkulagnu ele ib oo nak daakku amunu, laa nug grep leppu aokkunu uɗat haaha, gamag ahak doya, huana ii ema. Moap wanppa ewak okkai daakku, amge ewak amuam gamalag aheb ii emana.

Amos 5:17

Da ag bu madakkulnu uɗien, ag oolagppa oikkul amunu, ahilag grep dad ohppa mahiak okkai daakku.” Yawe Nug anam awa atte.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.

Sepanaia 1:13

Da heppi, kekeɗ ag uɗin, ban hena, danab ah amu dilag en aon gokkulag. Ao, kekeɗ ag uɗin, anam henana, ag danab ah amu laulkad loppaɗppeg nauhkkulag. Danab ah eheɗ anam hetteb amu, ag laulkad heppig, amge ag appa ii daamna. Ge, ag grep dad ebappig, amge ag grep dad amuppanu meu laa aon, wain laa hena, nakok laa ii lamana.” Yawe anam awa atte.

Aisaia 32:10

Ag gemu ag uug laa ii dootteb, ag, “Ig eheɗ laa ii anidmata,” dabmena, anam dootteb, amge haen elab iitta, maɗ laippu maha nakoknab laa ele uueb amu, ag ottaikkulag. Aɗinu? Haen amuppa ag grep meu nakok laa iinab anidmana. Ao, ad oh meu ii omana.

Job 24:11

Daɗek ag olip mameg nug goɗen aokkunu olip meu baelagppa mumuɗtteb, ⌊amge ag amuppa ehanittak nakok laa aoglagnu elele iitta⌋. Ao, daɗek ag wain dad mameg nug wain hekkunu grep meu baelagppa tabatteb, amge ag le baalag diitte.

Aisaia 24:11

Laa amu, wain, danab ah ag lakkulagnu am iitta mekku amunu, aab okkainu ib ohppa ag hippaidna daanna, wain lakkulagnu ekkulag. Uug naunab wan ohppa beeb, oo gamag ahak eɗua, oo uug doyak daakku. Laa oo gamag ahak iinab dooma.

Joel 1:12

Muɗi grep bunaɗppig. Ao, ad fig am mauɗna malappig. Ad pomigranet, ad pam, ad apel ele oh bunaɗppig. Ao, ad oh meu lanaknu daatteb amu, ag oh bunaɗppig. Keeke amu oh nauhna malappig amunu, uug amuppa danab dilag gamag ahak oh am iitta ma malom; ad digma bunaɗkkunu mauɗa malatte, amubia.

Amos 9:13

Amu Yawe Nug inam ele atte. “⌊Israel dilagppa⌋ haen laa uɗitte amu, da heppi, ee aeg ahilag am meu huanaknab okku. Ag ee aeg tuɗidna aonna, ii malappig haenppa, wan buuak haen dokku. Amubia ag keeke tuɗidna eppanna, ii malappig haenppa, grep meu tabappeg, leppu aoglagnu haen dokku. Amu ele, ahilag grep dad am qauko okkai daugppa daan, meu huan okkulag. Ao, grep dad am qauko nakokppa daan, meu huanaknab okkulag.

Esekiel 7:7

Ag Israel buɗub Juda wanppa daatteb, ag padal mekkulagnu miagnab; odppa daatte. Bu awak haen ahilag aakku gogppa teum. Deɗ am miag uɗiom daatte. Gemu ag qaukoppa gona, kayak hambuppuak dilag mettid lag nakokppa daan henan, gamag ahak dootteb bia, ag deɗ amuppa qaukoppa anam ii doomna. Iitta. Ag baɗak nau dooppeg, muttub qak daakku.