Aisaia 14:8 - Nobonob Baibel

⁸ Ad pain, ad sida Lebanonnu amu, ⌊ag danab ah daalob⌋ ag gamag ahak doon, ag king amu amegppa alobnab. ‘Laa nug na nitte mauhme amunu, gemu laa ad ob qiikkunu uɗia, nug ig ii oikke neta qettem.’ ” Ag anam ahi ettalob.

Aisaia 14:8 Referans Kwoze

Esekiel 31:16

Da hei, ad elabnab amu na qe, oqotti o, wanppan wan oh ag doon ottaippig. Da hei, danab ag mauhna, moɗppa niiegeg, ad amu na qa, appa no, ag ele daappig. Da anam hei, ad amu na qe, ad laa oh Iden appa daappig, ad amuam Lebanon wanppa enanagnab appa daappig ele, ad amuam ag diɗilkad matu leppa noeg daappig, ag gemu mauhak moɗppa niitteb amu, ag oolag meum.

Sekaraia 11:2

Ad pain, ag danab hetteb bia, ag eheɗ gayeg! Aɗinu? Ad sida ag nena qeppig. Ao, ad enanag, anttak ahilag enanag ele, am ad sida amu, ag nauhna malappig Ad ok, Basan wanppa daatteb, ag danab bia, eheɗ gayeg! Aɗinu? Ad huanaknab daappig, amge laa ag watteg nauhppig.

Sam 29:5

⌊Yawe Nug ɠagattag okkai okkai ele,⌋ Nug baag oqotti ɠagattagppa ad sida qiialadtte. Yo, Yawe Nug Lebanonnu ad sida oppatatte, maha naunau netteb.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.