Aisaia 14:23 - Nobonob Baibel

²³ Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Aisaia 14:23 Referans Kwoze

Sepanaia 2:14

Niniwe am sipsip, makau ele dilag gikkiɗah dad okkai daakku. Ao, doɗ dakkuɗ kuɗum appa ana daaglag. Atu taɗakppan hipunai, hipunai gayak baag eheɗ ele appa king laulkad nauhakppa daaglag. Ao, ag lag loppaɗak amuppa daanna gaaglag. Lag loppaɗak amu odppa am kinipan ambak daakku. Aɗinu? Laa heppeg, lag nauhppeg, lag ebehi, ad sida ena ena amuppa lag amu hadappig ele, ad amuam miag atiak daaglag.

Revelesen 14:8

Anam a amu engel ebqak 2 nug dim lamitta ba aum. “Aab okkai Babilon onig, ɠagattag ele aakku na qeum! Aakku na qeum! Nug he, danab ah wan atu ohppanu ag danab wain laeg kaaka aqe, kobol kobol hetteb, amubia ag nug ele kobol nau digdig ele, ewau pakkua gappai hak kobol bia heppig,” awa aum.

1 King 14:10

Anam amunu, da genab geha Jeroboamnu huuppan nid danab bau ukka danab kaino ele Israel oolagppa beppig daatteb amu uug naunab madakkul. Am geha da heppi, Jeroboamnu huuppan nid danab bau ukka danab kaino ele ohnab, laa nug begbeg maɗi nidte, o begbeg maɗi nid iittate, ag Israel danab ah oh oolagppanu iitta mekkulag. Da aab kinipan ewewe huppu nakok laa ii daatte, da nuhig, amu nuhigppan nid danab ele heppi, anam bia bekku.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

2 King 21:13

Da Samaria dilagppa hemi, Ahap baekkudppa ele dilagppa hemi amu, da kobol amuib Jerusalem dilagppa hekkul. Da geha Jerusalem heppi nauheb, danab ah nuhikkud amu oh heppi iitta meppeg, amu Jerusalem nug tappiɗ ihak keeke iitta, hamu daatte, amubia daakku.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 13:20

Babilon geha nauhkku am inam. Danab laippu laa geha appa eɗua ii daama, ukkeb haen malak batak. Ao, laa appa ii daama, ukkeb ukkeb, gog tak haenppa batak. Geha Arebia danab laippu laa nug uɗia, peh lag nuhig Babilon ii buuma. Amu geha sipsip gumak danab laippu laa nug geha nuhikkud sipsip omalatteb gona, Babilon ee mattin ii lamana. Iitta!

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Jeremaia 50:3

Wanppan wan laa, yawalti uɗitteppanu daatteb, ag banelag uɗin, Babilon ele ban hekkulag. Ag heppeg, Babilon wan am nauhakib daakku. Laa appa ii daama. Danab, doɗ ele ag oolna gokkulag,’ aon aig!”

Jeremaia 50:26

Ag Babilon dilag kekeɗ, ag umanabnu uɗin, ma lakkanu ee aeg aon, dimittim meppeg nauhaɗ! Ag heppeg, Babilon danab ah ag ee aeg qagmak okkaippa dimittim daatte bia dayeg! Ag heppeg, Babilon danab ah padal meig! Laippu laa oɗo yaak aib dayom!

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.