Aisaia 14:18 - Nobonob Baibel

¹⁸ King laa oh wan laala ohppan mauhppig, gaɗalag boumak aben enanagnabppa boumatteg niitteb. Mauhak gaɗalag anen anen amu ag ahilag aben piɗe piɗeppa maadppig niitteb.

Aisaia 14:18 Referans Kwoze

Aisaia 22:16

‘Sepna, na ⌊hee, maɗi nid nahip ag men oɗe enanag⌋ nahip boumak aben daakkunu aoeg, nahip boumak aben aakku heppig. Ao, na gaɗan aben ⌊enanagppa⌋ daakkunu na ⌊hee, danab ag⌋ men oɗe amu hoieg ukke daatte. ⌊Amge⌋ na ippa aɗin daattem? Ippa na laipad laa elete, amunu na nahip boumak aben anam iikku bappaidme?’ ” awa aum.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

2 Stori 24:25

Aram dilag daup ag uɗin, anam hena, eɗun ukkaeg, Joas nug banppa guittak okkai awa, niiak abenppa niiaya dayom. Nug anam niiom amunu, nuhikuɗ ehanittak anuqak danab aɗit laa aa nug mana mettak danab Jehoiada bekka Sekaraia qe mauhomnu dabmeya, niiak abenppa niieye qeeh mauhom. Amu Joas nug aakku mauhe, ag Dawitnu Aab, ag appa nug boumppig, amge ag king dilag boumak abenppa ii boumppig.

2 Stori 24:16

Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Aisaia 14:17

Danab laa nug he, wan oh atu taɗak bia be, amu aab okkai kuɗum eɗatta, danab ah kuɗum aɗualatta, diia ukke daappig amu, nug ag uuatteb, ag appalag diigppa gokkulagnu oo ii daye he, ag aakku anam daappig amu, danab amuam danab imu iikkuibte?”

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

2 King 9:35

Nug anam aum, amge haen danab ag Jesebel gaɗa boumkkulagnu dimittim goppig, ag nug gaɗa appa ii anidppig. Iitta. Ag ikki ebehi, baeg, eppeg ele aakkuib niie anidppig.

Job 3:14

Da anam mauhlom amu, gemu da king laala, ahilkad ulum mettak danab ele ag lag enanag, okkainab ele ahilagnu babaitteg ukke, ag mauheg, lag amu ele nauhppig, da ag ele niilom.