Aisaia 14:16 - Nobonob Baibel

¹⁶ Danab ah mauhppig, ag amelag behabe, neekkidnana, ag nahip-ppa keeke beumnu dabmena, ⌊ag akka akka nug oɗ medatteb⌋. “Danab imute nug he, wan uɗalom. Danab imute nug he, wanppan wan anen anen ag hahaɗppig?

Aisaia 14:16 Referans Kwoze

Jeremaia 50:23

Babilon nug tutui qaknu hama bia dayaya, wan laa oh he nauhppig, amge kekeɗ ag heppeg, Babilon am waa aoɗa autanab awom bia daakku. Wan atu laa ohppan danab ah ag anidna, ameg iɗuak dooglag.

Sam 64:9

Anam beeb, laa oh ag Kayaknu ebehilag oh bodoetta le mekku. Ao, ag Kayak Nug keeke okkai okkai heumnu, ag laa amelagppa amunu mattiglag. Ge, ag amunu dabmena autna aoglag.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Aisaia 14:15

⌊Na anam ame⌋, amge laa nug he, na mauhak danab appalagppa uɗime. Na uɗina amu, na mauhak danab dilag aab batakppanab daattem.

Aisaia 14:17

Danab laa nug he, wan oh atu taɗak bia be, amu aab okkai kuɗum eɗatta, danab ah kuɗum aɗualatta, diia ukke daappig amu, nug ag uuatteb, ag appalag diigppa gokkulagnu oo ii daye he, ag aakku anam daappig amu, danab amuam danab imu iikkuibte?”

Nahum 3:6

Da heppi, wan laappan danab ah ag kinipan nau agappeg uɗia, na nidakku. Ao, da heppi, ag, ag Niniwe danab ah, ag ahilagnu, ‘Keeke hamunab,’ dooglag. Ge, da heppi, ag Niniwe danab ah ag laa noolagppa keeke imaknu bia daaglag.

Habakuk 1:10

Ag laa dilag king aon aon aqadtteb. Ao, ag wan laihnu danab okkai dilagnu, ‘Keeke hamunab,’ dootteb. Ag aab ɠagattag aɗ ele, ag aab amu ohnu imak dootteb. Ag wan buun aon uɗin, gokkaɗeg noa taata, aɗ elele te wana, aab amu dilag daup eɗadna, aab amu aotteb.

Esekiel 32:23

Ahilag boumak aben appa am aben unuqagnab appa daatte, amu Asiria dilag daup oh ag aguppa niitteb. Asiria ag wanppa bau daanna amu, ag heeg, wanppan danab ah kuɗumnab ag baɗak eheɗ nau ele dooppig, amge laa ag Asiria qep elabppa aqaeg, mauhadna malappig.

Esekiel 32:27

Iitta aɗi dilag daup laa oh ag nena qena, ahilag banppan keeke ele oh moɗppa noppig niitteb, laa ag ahilag qep akkan, ikkilkad waappa meppig amu, Mesek daup, Tubal daup ele ag ag ele appa iite niitteb. Danab amu ag wanppa bau daanna heeg, danab ah kuɗum ag eheɗ nau baɗappig amunu, ahilag nob nau ahilagppa dayeye, ag aakku banppa mauhna, mauhak abenppa aakku niitteb.

Habakuk 1:17

O Yawe, Babilon dilag okkai nug kakai eeɗak danab nug hanhan uhui nuhig ewawa, haen oh kakai aotte bia danab ah tuɗid ele diiadkkute? Ao, nug oo gai-iitta doya oo matta ehanittak kobol tuɗidib ii dabmaama, tuɗitta, wan laala eɗatta heeb nauhkkulagte?” awa unuqittom.