Aisaia 14:13 - Nobonob Baibel

¹³ Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Aisaia 14:13 Referans Kwoze

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Matyu 11:23

Aria aab Kaperneam, na onin okkai, laa oh eɗattak aokkutte? Iitta! Na padal mekkut. Danab laa nug Sodom dilagppa kobol danab hekkunu elele iitta da ahilagppa hemi amubia helo amu, Sodom ag gemu daalob.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Esekiel 27:3

Ge na aab Tair, ⌊nug danab daalo, nug amegppa nai alom, amubia na Tair⌋ amegppa nai akkut. Aab Tair am yu ihippa, uub eeɗak aben enappa daatte; danab kuɗum wan laalappanu, ag ele yu ihippa daatteb amu, danab amu ag am uɗin, Tair appa ahilag keeke meegeg, danab ah ag daden maadtteb. ⌊Danab Bekka,⌋ na Tair danab ah amelagppa Naɗi Yawe Nug inam atte appe doyeg! ‘O aab Tair, na attem. “Da am ah iɗu tuqak qa oppiaawaknab ele bia,” aon attem.

Aisaia 2:2

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Amu geha danab ah kuɗumnab, wan atu ohppanu ag appa ⌊qagmekkulagnu⌋ uɗiglag.

Sam 48:2

Qauko Sion amu attannab, anttak nuhig enanagnab. Wanppan danab ah oh ag qauko amu anidna, ag gamag ahak okkai dootteb. Qauko Sion ⌊am Kayaknu,⌋ am nuhig tituanak daatte. Kayak Nug wanppan king laa oh eɗattak daatte, amu Jerusalem, ⌊Sion qaukoppa daatte amu, aab⌋ amuam nuhig aab okkai.

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Luk 10:15

Amu Kaperneam na onin okkai, laa oh eɗattak aokkutte? Iitta! Na padal mekkut,” awa aum.

Job 20:6

Nau hak danab nug danab okkai okkai daakkutai. Ge nug danab okkai okkai beebeb, ikki lombig ta yaakkutai.

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.

Esekiel 31:10

Anam amunu, Naɗi Yawe Nug inam atte. “Ad amuam elabnab ta, ad laa oh eɗatta ta, dada ha, ‘Da laa oh eɗadttem,’ dabmeum,

Esekiel 40:2

Kayak he, da tuleglegppa Israel wanppa ukkai, Kayak Nug da qauko attannab, appa meiɗom. Qauko amu laih, laih amuam yau uɗitteppanu daatte amu, appa lag laala, aab okkai bia daaegeg anidmi.

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Obadaia 1:3

Ag Edom danab, ag qauko igippa daatteb. Ao, ag ahilag aab baippa kalatteb. Ag anam daanna, ag dada danab bena daatteb. Ag anam daatteb, amge keeke amu buppualatte, ag eheɗ dabmena, nai mattinna, ‘Aun ig eɗikkeb, ig neta qekkunignu laa iitta,’ anana oitteb, amge iitta!