Aisaia 13:22 - Nobonob Baibel

²² Doɗ haaina ag geha uɗin, ban haknu aben ɠagattagppa daaglag. Ao, doɗ jakal, ag uɗin, kingnu lag enanagnab, ag amuppa ele daaglag. Ag anam daanna, ag appa gaaglag. Babilonnu haen aakku iitta mekkunu hette. Da nuhig haen tuɗidppi, nakok laa ele ii daama.” Yawe Nug anam atte.

Aisaia 13:22 Referans Kwoze

Jeremaia 51:33

Amu Yawe Nukka Ɠagattag Oh Ele, Israel dilag Kayak, Nug inam atte. “Danab ag ee aeg mumuɗkkulagnu ee aeg mumuɗak abenppa mumuɗak uɗat amu baelagppa ee aeg ikkilkad huan tabatteb, amubia kekeɗ ag Babilon dilagppa hekkulag. Ge, danab ag wit keeke oɗuom anidna, ag gona otaɗadna aotteb, kekeɗ ag amubia hekkulagnu haen miag doum daatte,” awa atte.

Aisaia 35:7

Anam amunu, geha atu taɗakppa ihi huana gakkaɗtteppa ele, amuppa le ameg daakku. Ao, wan qaɗaiettaknabppa, le okkai qeppuɗia bekku. Amu aben qaɗaiettak, doɗ jakal ag daanna oippigppa amu, geha gikkiɗah, qao, papairus ele bekkulag.

Aisaia 25:2

Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Habakuk 2:3

Aɗinu? Keeke da ippunidkkul amu, keeke amu nuhig haenppa bekku. Am uug gemu daattenu gog tak haenppan keeke. Am genab bekku; am hambuppuak laa iitta. Keeke amuam pahanab iitai bekku, amge na bahin aib yom. Iitta. Na ameg mena daye! Aɗinu? Keeke da na ippunidkkul am genabnab bekkun daatte, am nuhig bak haen am ii eɗidma.

Aisaia 34:13

Uud keeke qaun ele ba, aab ooppa aben aɗ ɠagattagnab ele tonakku. Ao, muɗi qaun digdig ele bena, ban haknu aben ɠagattag ele tonaglag. Wan amuppa doɗ jakal ag daaglag. Ao, hipunai ag aguppa daaglag.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Sam 44:19

Amu na hee, ig padal meut, na ihinig wan hee, doɗ jakal ag amuppa daatteb. Ao, na hee, gatatu naunab ig tonikkom.

Aisaia 32:14

⌊Ag mahieg!⌋ Aɗinu? Aab imuppanu king laug enanagnab am hamu, danab iitta daakku. Ao, aab okkai am hele-ettak daakku. Aab ooppa aben aɗ ɠagattagnab ele, ban danab neegna kekeɗ anidttebnu lag attan ta ukkak menppa hak, amu ele nauhna, nena qena, haen elab anamib daan, daappigppa amu, amuam wan meu waknu nakokib eleleppa daaglag. Appa amu, gikkiɗah beeb, donki sipsip ele ag enanagnab doon, gikkiɗah lanan daaglag.

Aisaia 43:20

Da danab ah dahilad, da ag tituanadmi amu, da ag le lakkulagnu atu taɗakppa le hadakkul. Ao, da danab ah dahilad ag le lakkulagnu, da wan meu waknu nakokib elele, appa da le hadappi gokkulag. Da amu hekkul amunu, doɗ dakkuɗ digdig, doɗ jakal, aria hipunai ele, ag le amu lanana, ag dahilnu oolag gamag ahebeb, ag dahilnu, ‘Ena hen mekkame,’ bia dooglag.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Jeremaia 48:16

Amu Yawe Nug atte. “Kekeɗ ag heppeg, Moap na qekkunu haen miag doum daatte. Ao, uug naunab Moap dilagppa bekkun haen am miagnab.

Gayak Nai 4:3

Doɗ jakal amu, doɗ amu anig ag nalkad atognoadna, huh madatteb; amge dahilad danab ah ag ahilkad nid dilagnu oolag ii madatteb; ag atu taɗakppan ai laa onig ostris, ⌊nug nakkud uuatta gotte,⌋ ag amubia daatteb.

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Aisaia 14:23

Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Aisaia 34:14

Atu taɗakppanu doɗ dakkuɗ ag appa daappeg, doɗ haaina ele qagmena daaglag Meeme dakkuɗ ag daappeg, danab layag ele nai madittep bia, ag lailkad ele anam hekkulag. Tuqannu doɗ nau ag aguppa daanna, aguppa niiaknu aben ena anidkkulag.

Sepanaia 2:14

Niniwe am sipsip, makau ele dilag gikkiɗah dad okkai daakku. Ao, doɗ dakkuɗ kuɗum appa ana daaglag. Atu taɗakppan hipunai, hipunai gayak baag eheɗ ele appa king laulkad nauhakppa daaglag. Ao, ag lag loppaɗak amuppa daanna gaaglag. Lag loppaɗak amu odppa am kinipan ambak daakku. Aɗinu? Laa heppeg, lag nauhppeg, lag ebehi, ad sida ena ena amuppa lag amu hadappig ele, ad amuam miag atiak daaglag.