Aisaia 13:19 - Nobonob Baibel

¹⁹ Wanppan wan oh oolagppa, danab ah ag Babilon am attannab dabmetteb. Babilon danab ah ag dada hak kobol henana, Babilonnu, ‘Am binag amahlak oppiaawak ele,’ dootteb. Ag anam dootteb, amge Kayak Nug heeb, Babilon am Sodom, Gomora ele nauhpiɗ, amubia nauhkku.

Aisaia 13:19 Referans Kwoze

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Genesis 19:24

Lot nug Soar te, aam be, Yawe Nug he, kalu laa huana eotte onig salpa habppanu ewawa Sodom, Gomora ele qaɗelahppa neum.

Sepanaia 2:9

Amu Yawe Nukka Ɠagattag Oh Ele, Israel dilag Kayak, Nug imu ele atte. “Ag anam heppig amunu, da genab bau daattem, genab amubia da heppi, Moap wan am Sodom bia daakku. Ao, da heppi, Amon wan am Gomora bia daakku. Ahilag wanppa amu uud beppeg, ahilag wanppa wan moɗ ele daappeg, amuppa le yu ele daakku. Ahilag wan am meu waknu nakokib elele hanhan daakku amunu, dahilad danab ah oɗo yaak daaglag, ag wana, Moap danab ah, Amon danab ah ele dilag keeke akkan gokkulag. Ao, dahilad danab ah ag Moap, Amon ele dilag wan aoglag.” Yawe Nukka Ɠagattag Oh Ele Nug anam awa atte.

Amos 4:11

Yawe Nug anam ana amu, Nug ele atte. “Da hei, ag oolagppan laa ag Sodom, Gomora danab padal meppig, amubia padal meppig. Ge, ag am aab bau maha laa, danab nug aab maha amu ewebeb, eɗua aotte, tuɗitta ii eotte, ag amubia daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Jeremaia 51:41

Kekeɗ Babilon eɗadkkulag. Ao, wanppan wan ohppan danab ah ag aab laa binag metteb ele, aab amu, am Babilon, aab amuam kekeɗ eppelagppa daakku. Anam beeb, wanppan wan laala ohppan danab ag Babilon anidna, ag ameg iɗuak dooglag.

Jeremaia 50:40

Kayak he, Sodom, Gomora ele, aab laala aab aɗit amu gukkuatak daappig ele nauhna autna aoeg, danab ah appa laa ii daappig. Amu anambia, laa nug Babilon appa ii daama. Ao, appa danab laa ii daama,” awa atte.

Jeremaia 49:18

Kayak he, Sodom, Gomora ele, aab laala aab aɗit amu gukkuatak daappig ele nauhna autna aoeg, danab ah appa laa ii daappig. Appa beum amu, amubia laa nug Edom appa ii daama. Ao, appa danab laa ii daama,” awa atte.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.

Rom 9:29

Haen matu laa Aisaia amunu inam aum. “Naɗi Nukka Ɠagattag Oh Ele, Nug ig buɗunkad laib laib he daatteb. Nug anam ii helo amu, geha ig oh Sodom danab nauhppig bia nauhlom. Ao, Nug anam ii helo amu, ig Gomora danab padal meppig bia padal melom.” Nug anam yom.

Revelesen 18:11

Keeke laihnu awa dadennu mak danab ag ele nuhignu dabmak aonna, oolag uug ele daanna gaaglag. Aɗinu? Aab amuppan danab ag ahilag keeke ele baula daden ii memana.

Revelesen 18:19

Ag anam ana, ag wan gappud agappeg, ikkilagppa teebeb, ag oolag uug ele daan gaanna, inam enan akkulag. ‘O gadonnab gadon! Uub mamelkad oh, ahilkad uub amu yu qaɗeppa oiyakppa ag keeke aona, aab okkai amuppa meeg, daden meegeg, enulag ele daappig amu, aua laippuppa aab okkai amu aakku iitta meum,’ aon akkulag.

Genesis 19:25

Yawe anam he amu, uɗem amu, aab okkai aɗit amu, aab okkai laala uɗem amuppa daappig, amu danab ah oh ele, amu keeke ohnab appa daappig ele, amu oh padal meppig.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 21:9

⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Aisaia 48:14

Amu ag Israel danab ah ag gukkuiɗna uɗin, nai dahil doyeg! Kayak hambuppuak laa nug aha, keeke bekkun daatte a dooppigte? Iitta! Amge da Yawe, da attem. Danab laa, ⌊Sairus⌋ da nug tituanmi ele amu, nug dahil dabmak Babilon dilagnu heeb bekku. Ao, nug aha, Babilon ele ban hekku.

Jeremaia 25:12

Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Jeremaia 51:26

Qauko eotte am oug me, men daatte am gai-iitta, amuppa keeke ena laa haknu elele iitta, danab men amu awa, keeke laa ii hette, amubia da heppi, Babilon wan am amubia daakku. Aɗinu? Babilon wan am hele-ettak hanhan daakku.” Yawe Nug anam awa atte.

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.