Aisaia 13:10 - Nobonob Baibel

¹⁰ Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 13:10 Referans Kwoze

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Mak 13:24

Jesus Nug anam ana, Nug nai baula aum. “Aria, haen amunu uug nau iitta meeb, aam ii amahalma, kalam ele ii amahalma,

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Luk 21:25

Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.

Joel 3:15

Deɗ amuppa amu, aam, kalam ele aa gatatu maiglah, hoɗopai ele ii amahalmana; iitta.

Aisaia 5:30

Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aposel 2:20

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Naɗi, dahilnu deɗ naɗi, enanagnab ele amu, haen deɗ amu ii nak, nekkunu daakku, haen amuppa keeke amu oh bekkulag,’ awa aum. ⌊Naɗi Nug anam awa a, Joel nug yom. Amu Joel nug ele Naɗinu nai laa imu yom.⌋

Job 9:7

Kayak Nug aamnu a, ii amahaltte; Nug he, hoɗoppai ag wan amahlak nakok laa ii medatteb.

Eklisiastis 12:2

Qinob na kaino mena, aamnu amahlak, kalamnu amahlak, hoɗoppai dilag amahlak ele am qinonob amahaltteb bia anidkkut; gu na maleb, aam nekku, amge na amahlaknab ii anidmana.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Aisaia 50:3

Da hei, hab hinqak daatte. Ao, da hei, hab lamen teppu eleppa tonak bia daatte ⌊amunu, da ag ehanadkkulnu elele⌋.” Yawe Nug anam atte.

Amos 5:20

Yawenu deɗ naɗi amu, deɗ amu geha gatatu, amahlak iitta ele iite daama? Ge, deɗ amuam gatatu naunab, amahlak nakoknab laa iitta iite daama?

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Sekaraia 14:6

Deɗ amuam inam daakku. Aam, kalam, hoɗoppai ele ag ii amahalmana.