Aisaia 11:3 - Nobonob Baibel

³ ⌊Yawenu Ouɗi amu geha Jesi buɗubppan laa, nuhigppa dayebeb,⌋ Jesi buɗub nug Yawenu ebehi oh bodoetta le mekkunu enanagnab dookku. Nug geha gaɗappaib neekkakppa danab ah dilag nai doya mala, hettoɗia, epeɗia, elele ii mettama. Ge, Nug ulah naippa danab ah dilag nai doya mala, hettoɗia, epeɗia, elele ii mettama.

Aisaia 11:3 Referans Kwoze

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Luk 2:52

Amu Jesus Nug ena meeme, nuhig doyak ele okkai meeme, Kayak noobppa, danab noolagppa ele Nug ena oiya, tuɗitta he, ena dooppig.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.

Prowerb 2:5

na geha ib amuppa Yawenu ebehi oh bodoetta le mekkunu kobolnu diignu doyak tutukku aokkut. Ao, na ib amuppa Kayaknu doyak mattin anidkkut.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

2 Samuel 14:17

Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

Jon 2:25

Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!

Job 34:3

Danab nug miti ena, o nau dookkunu ee lemaɗuppa nakok ya, amuppa mitinu ma anttak medatte, amubia danab nug daugppa nai doya, nai ena, o nau ma anttak medatte amunu,

Job 12:11

Ig daunigppa nai doottem. Ao, ig lemaɗunigppa eenu miti doottem.

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Esekiel 45:8

Wan aben amuam Israel dilag okkainu daakku. Anam daakku amunu, danab okkai dahilad Israel gumadkkulag, ag wan elele amunu, ag baula dahilad danab ah eheɗ ii hattamna. Iitta. Wan laa oh am Israel dilag huu okkai anen anen eppelagppa daakku,” awa atte.

Maika 4:3

Nug geha huu digdignu danab ah dilag nai doya mala hettoɗia epeɗia elele medakku. Ao, Nug wanppan wan ɠagattag adeppa adeppa daatteb dilag nai bappaidkku. Nug anam hekku amu, wan ohppanu danab ag ahilkad qep elab aon heppeg, wan buuaknu aen laa daaglag. Ao, ag ahilkad ban lat amu heppeg, ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

2 Samuel 14:8

Ah nug anam mattie, King Dawit doya, nug aum. “Na ahan lakka ukke! Da uug imunu nai babaitten medakkul,” awa aum.