Aisaia 11:15 - Nobonob Baibel

¹⁵ ⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Aisaia 11:15 Referans Kwoze

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Esekiel 30:12

Da heppi, Nil lenu lenag oh qaɗaiedappeg, Isip wan am eheɗ hak danab eppelagppa daakku. Da heppi, wan laihnu danab ag Isip wan heppeg nauhaknab dayeb, keeke oh Isip wanppa daatte, amu ele nauhakib daakku. Da Yawe, da aakku ain malami,” awa atte.

Esekiel 29:10

da nahip hak amunu eheɗ doyeye ool ii medattem; le Nilnu le nagppanu ele anam bia doottem amunu, da heppi, Isip wan Mikdol, appa digma ukka Aswan ta ukka, Kus wannu tom batak amu, wan amu oh am hele-ettak, wan meu waknu nakokib elele, am anam daakku.

Aisaia 7:20

Am haen amuppa Naɗi Nug geha Asiria dilag king, ⌊ag nug ehanatteb, padal ii memananu dabmena, ɗo naɗi nug medappig,⌋ Nug nug le Yupretis heqo laihppanu awa heeb, nug geha Naɗinu resa bia dayaya, Juda beɗulkad uɗig hoikku. Nug ikkilag uɗug hoya, akkaɗilag hoya, baelag uɗig ele oh hoikku.

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Aisaia 8:7

amunu, genabnab da Naɗi, da geha Asiria dilag king awe uɗikkulnu heppi, nug nuhig ɠagattag amuppa ag oɗoɗadkku. Am Asiria dilag king nug nuhikkud ban danab ele, ahilag ɠagattag am Yupretisnu le uinu ɠagattag, ebehi ele na, le titiɗa, atu oh tona gotte, ag amubia hena uɗiglag. Ag uɗin, Yupretis le nug ui wa, le ihi daug laih laih oh tonatte, amubia ag uɗin, Juda wan oh bia tonaglag. Amge ag wan amu ohnab ii aomna. Ge, Asiria ag wan amu ohnab ii aomna, amge oh bia aon tonan, elele mettan daaglag,” awa aum. O Imanuel, ⌊na ig ehanigkkutnu oɗ medattem⌋!

Aisaia 43:16

Amu Yawe Nug anukka Israel ag yu mataɗkkulagnu Nug he, le naɗi gamagppa ib dayom. Ao, Yawe Nug Israel ag yu mataɗkkulagnu Nug he, le koɗkoɗ qak ele gamagppa ib aakku dayom.

Aisaia 44:27

Da le yuppa gotteb, yu ele qaɗaiettaglagnu ai ag qaɗaiedatteb.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Eksodas 14:22

Aria, gamagppa wan qaɗaiettak ena dayeye, Israel ag ena gona, yu amu mataɗna, laih teppig; yu nug oppata, laih laih ɠagattag gilil bia dayeye, ag gamagppa goppig.