Aisaia 11:11 - Nobonob Baibel

¹¹ Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 11:11 Referans Kwoze

Maika 7:12

Haen amuppa amu, Asiria danab, Isip aab okkaippan danab ele ag ⌊binalag mattaglagnu⌋ ag Israel, ahilagppa uɗiglag. Ge ag Isipnu ukka, le onig Yupretis batak, laih amu oh, appanu uɗiglag. Ag le naɗi laih daatte ukka, le okkai laih daatte amu, ag wan laih amu ohppanu uɗiglag. Ag qauko okkai ukka, qauko okkai laa ele gamagppanu uɗiglag.

Rom 11:26

Kobol anamppa Kayak Nug Israel oh eɗua diikku. Amu Kayak naippa, Kayaknu nai laa daatte bia. Nai amuam inam. “Ehanittak laa Sionnu uɗia, Kayaknu, nuhig haknu ele uuak kobol Jakop toppanu amu, Nug aokku.

Aisaia 10:20

Amu haen amuppa am inam bekku. Israel danab ah ag oɗo yaak danab ah ⌊daaglag⌋. Ge, Jakop buɗub laippu laippu qagaiettakppa ii mauhadppig amu, ⌊ag daaglag⌋. Ag daanna, ag wanppanu okkai laa nug eheɗ hattom ele, ag nuhignu ehanittak aoglagnu ii dabmemana. Iitta. Haen amuppa Israel ag Yawe, Israel dilag Kayak Oppiaawak Ele, Nug ag ehanadkkunu ag genabnab Nug onigppa enana, ameg mekkulag.

Hosea 11:11

Ag ai Isipnu hagagaɗna uɗitteb, amubia ag beɗulag hahaɗebeb uɗiglag. Ao, uppuɗil beɗulag nakok ag hagagaɗna, Asirianu uɗitteb, ag amubia beɗulag hahaɗebeb uɗiglag. Ag uɗippeg, geha da ag omalatte, eɗue appalagppa uɗie maadkkul.” Yawe anam atte.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Aisaia 24:15

Ag anam hekkulag amunu, danab ah laih aam bedeppa daatteb amu, ag Yawe binag amahlak oppiaawak ele mekkulag. Ao, ag danab ah aam nodeppa daatteb, ag oh Yawe binag mekkulag. Yawe Nug am Israel dilag Kayak.

Aisaia 10:9

Wan da eɗatten, aab okkai ahilag aomi ele, aab okkai amuam Karkemis, Kalno, Arpat, Hamat, Damaskus, am Samaria ele. Ag oolagppanu laa nug da eɗilkkunu elele iitta. Iitta! Da laa dilagppa hemi bia laa ohppa anamib hemi.

Genesis 11:2

Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig.

Genesis 10:22

Sem bekkod am Elam, Asur, Arpaksat, Lud, Aram ele.

Genesis 10:10

Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

2 Korint 3:16

Amge haen danab nug oo eɗue, Naɗi oo medatte amu, aria Kayak Nug lamen amu maute, nug oo aakku maidtte.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

Sekaraia 9:2

Nai imuam Hamat, Damaskus guguittak daatte, aab onig Tair, aab onig Saidon ele, bu mettak nai imuam ag oh ele tonadtte. Appan danab ag akka ag, “Ig am doyak dabmak okkai ele” atteb.

Sekaraia 5:11

Da anam oɗ mettai, nug da amelppa aum. “Aa kaleg amu aoya, Babilon wanppa gottep. Appa qinob lag laa babaittak dayeb amu, kaleg amu lag amuppa nuhig abenppa meppeg daakku,” awa aum.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Hosea 1:11

Anam dayeb, geha Juda, Israel danab ah ele ag laippu tamanin, ikki danab laippu waappa daan, ag diia ukka, laih me dayakppanu eɗun uɗin, tamanin daaglag. Deɗ amuam geha deɗ naɗinab daakku. Deɗ amunu amu, ag geha, ‘Jesrilnu deɗ,’ akkulag. Aɗinu? Deɗ amuppa, Kayak nug geha danab ah nuhikkud baula nuhig wanppa maatteb daaglag,” awa aum.

Daniel 11:18

Kobol amu ii ehanidkku amunu, nug wan digdig yu ihippa daatteb ele ban ha diiadkku, amge nuhig daup gumak danab okkai laa nug heeb, yawalti uɗitteppanu kingnu dada naunab hak kobol amu, kobol amuam iitta mekku. Ge! Kobol amuam eɗuak, nuhigppa bekku.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Esekiel 30:14

Da heppi, kekeɗ ag heppeg, Isipnu wan laih, Patros, am nauhakib dayebeb, ag aab Soan amotppeg, ewa iitta mekku. Laa amu, da heppi, kekeɗ ag heppeg, Isipnu aab okkai Tebes bu medappeg, am ele nauhkku.

Esekiel 27:6

Danab ag na heidna amu, ag ad ok, Basannu, ag ad amu aon, nahip elqak ad hoippig. Nahip-ppa oo duqaglagnu amu, ag ad saipres, Saiprusnu aon, bappaidna duqappig. Ag duqona, ag ad amuppa kobol kobol hoiyak dayomppa elepan aeg babaittak qataqeppig.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Jeremaia 44:1

Yawe Nug Jeremaia, Juda danab ah Isip daappig dilag nai laa imu ele mette doyom. Juda danab ah amu laa ag Isip ooppa aben laa yawalti uɗitteppanu daatte, ag aben amuppa aab onilag Mikdol, Tapanes, amu Mempis ele amuppa daaegeg, laa ag Isip ooppa aben laa yau uɗitteppanu daatte, ag aben amuppa daappig. Nai Jeremaia nug ahilagnu doyom am inam.

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Jeremaia 25:25

Amu dimppa amu, da kap amu Simri, Elam, amu Midia dilag king ele mattai laeg,

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Aisaia 42:12

Aben amu ohppan danab ag Yawe binag mettanna, ag wan miagnu, wan umanu ele, ag Nug binag okkai metteg!

Aisaia 42:10

Ag wan atu ohppan danab ah ag Yawenu ahi bau etteg! Ao, ag wan batakppanu ag ahi ettanna, ag Yawe binag meig! Ag danab ag uubppa yu qaɗeppa oitteb, yuppanu keeke oh ele, ag anam heig! Ag danab ah wan miagnu, wan umanu ele, ag oh Yawe binag maknu ahi bau laa etteg!

Aisaia 11:16

Yawe Nug anam heeb, nuhikkud danab ah oɗo yaak Asiria daatteb amu, ag ahilagppa ib ena beeb, ag eɗun ahilag wanppa uɗiglagnu ib uug iitta ena daakku. Haen matu anukkanab, Yawe Nug nuhikkud danab ah Isip uuglagnu ib ahilag heum, kobol anambia, amuppa geha Nug ib madakku.

Sam 68:22

Naɗi Nug inam atte, “⌊Da ag Israel danab ah, da ag ehanadkkul.⌋ Amu dahilad kekeɗ ag oolna, Basan gokkulag dayeb, ag dahilad danab ah ag hadappeg, padal mena autna aoglagnu da appanu diiadppi uɗiglag. Genab, dahilad kekeɗ ag ib imuag elab attem gokkulag amu, ag dahilad danab ah ag hadappeg, padal meppeg, qai ag beɗulag laadkkulagnu da diiadppi, ag appanu eɗun uɗiglag.”

Genesis 14:1

Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Esta 10:1

Am King Ekserksis nug he, danab ah nuhig ɗo maɗoɗ waappa daatteb ele, laa miag daatteb, laa uma uma datteb ele ag takis meppig.

Aisaia 1:9

Anam amu, Yawe Nukka Ɠagattag Oh Ele, Nug ihinkad danab ah laib laib he daatteb. Nug anam ii helo amu, geha ig oh Sodom danab nauhppig bia nauhlom. Ao, Nug anam ii helo amu, ig Gomora danab padal meppig bia padal melom.

Aisaia 19:21

Am Yawe Nug geha heeb, Isip ag Yawe Nugib am Kayak dooglag. Isip danab ah ag Nug am Yawe doyona, haen amuppa ag Nug noobppa dup nona binag menana, ag doɗ, ee aegnu ofa ele aon main, Nug mettaglag. Ag amu henana, ag keeke laala genabnab hekkulagnu nai anan qakkaglag amu, ag amuib hekkulag.

Aisaia 19:22

Yawe Nug heeb, geha oɗe nau danab kuɗum aqe mauhtteb ele Isip danab ah aqakku, amge Nug anam hewowa, Nug heeb, ag eɗun ena daaglag. Ag oolag eɗueb, ag eɗun, Nug waappa daappeg, nug ahilag unuqittak doya heeb, ag eɗun ena daaglag.

Aisaia 37:31

Juda danab ah oɗo yaak daaglag amu, ag gikkiɗah keeke, hiɗaeg be, wanppa niiaya, diɗi eɗua wan ooppa noa he, gikkiɗah eɗua bau dayaya meu otte, Juda amubia baula appatna, ena daaglag.

Esekiel 29:14

Da heppi, ag diia ukka laih me dayak danab ah daappigppanu eɗun uɗin, ag ahilag wanppa laih onig Patros, ag appa daaglag. Anukkanab ag memetalkad ag appa daappig. Ag eɗun uɗin, appa daanna, ag wanppan wan oh oolagppa, ɠagattag okkai iitta daaglag.

Esekiel 32:24

Elam, nuhikkud daup huanaknab oh ele ag mauhak daatteb, aben amuppa daatteb. Amu oh ag qep elabppa mauhppig. Ag oh ag bau dayak wanppa daan heeg, laa ag baɗak eheɗ nau dooppig amu, amu oh ag moɗppa nona, iitta aɗi mauhak daatteb, ag appa goppig. Ag laa ag laa eɗadna, akka akka binalag mewona, uɗa nak aon, moɗppa noppig amu, ag amunu uɗa nak ele maon nona, appa nona daatteb.

Esekiel 38:8

Aɗinu? Butti haen adekku ban hekkulagnu ewak daakku, ag haen amuppa goppeg, wan laa ele ban hekkulag. Wan amuppan danab ah ag tatam banppa eheɗ aon, wan kuɗumppa daappig, amge Yawe he, ag wanppan wan laa kuɗumppanu eɗun uɗin, ag ahilag wanppa, am Israel wan, wan amuam haen elab hele-ettak dayom amu, ag eɗun, aguppa daatteb. Wan amuppan danab ah ag wan laalappa daaegeg, Yawe he, ag eɗun uɗin, baɗak iittappa daatteb. Amu, Gog, haen amuppa na, amu nahipad ele ag goppeg, danab amu ag ele ban hekkulag.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Genesis 2:13

Le laa am onig Gihon, amu le amu Kus wan ohppa piia wana, piia doa, na gotte.

Duteronomi 9:29

Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 22:6

Elam wanppan ban danab ⌊ag baelagppa oinna ban hetteb amu,⌋ ag ban, lat aɗualadppeg, ⌊appan ban danab laa, ag⌋ bannu karis attan daan, ban hetteb, laa ag hos attan daan, ban hetteb ele amu, ag ele oh ban hekkulagnu uɗiglag. Ag uɗippeppeg, Kir wanppanu ban danab ag guppiɗ mawadna, ban hekkulagnu uɗiglag.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Sekaraia 8:7

Am Yawe Nukka Ɠagattag Oh Ele Nug inam atte. “Genabnab da dahilad danab ah ehanadppi, ag kaɗag uɗitteppanu, qaban uɗitteppanu ele eɗun uɗin, ahilag wanppa bena daaglag.